قازاقستان رەسپۋبليكاسى پرەزيدەنتى اكىمشىلىگىنىڭ جانە كەگەن اۋداندىق ءماسليحاتى دەپۋتاتتارىنىڭ كەلىسىمى بويىنشا جانە الماتى وبلىسى اكىمىنىڭ وكىمىمەن نۇرباقىت مولداحمەتۇلى تەڭىزباەۆ كەگەن اۋدانىنىڭ اكىمى قىزمەتىنە تاعايىندالدى. بۇل تۋرالى الماتى وبلىسىنىڭ اكىمدىگىمالىمدەدى، دەپ حابارلايدى “ادىرنا” ۇلتتىق پورتالى.
ايتا كەتەيىك، نۇرباقىت مولداحمەتۇلى 1983 جىلى تۋعان. ۇلتى – قازاق، ءبىلىمى جوعارى.
«دەنە شىنىقتىرۋ جانە سپورت»،«كەدەن ءىسى»، «دەنە شىنىقتىرۋ مادەنيەتىنىڭ وقىتۋشىسى، كۇرەس جاتتىقتىرۋشىسى»، «كولىكتى پايدالانۋ جانە تاسىمالداۋدى، قوزعالىستى ۇيىمداستىرۋ» ماماندىقتارى بويىنشا جوعارى وقۋ ورىندارىندا باكالاۆر دارەجەسىندە ءبىلىم الىپ، 2014 جىلى «پەداگوگيكا عىلىمى» بويىنشا ماگيستر دارەجەسىن العان.
ەڭبەك جولىن 2001 جىلى قازاقستان رەسپۋبليكاسىنىڭ گرەك-ريم كۇرەس فەدەراتسياسىنىڭ سپورت-نۇسقاۋشىسى بولىپ باستاعان.
ءار جىلداردا استانا قالاسىنداعى ۇلتتىق شتاتتىق كوماندالار جانە سپورت رەزەرۆى ديرەكتسياسىنىڭ گرەك-ريم كۇرەسىنەن سپورت-نۇسقاۋشى، قازاقستان رەسپۋبليكاسىنىڭ ىشكى ىستەر ورگاندارىندا، الماتى قالاسىنىڭ دەنە شىنىقتىرۋ جانە سپورت باسقارماسىنىڭ № 12 وليمپيادالىق رەزەرۆتەگى مامانداندىرىلعان بالالار مەن جاسوسپىرىمدەر مەكتەبىنىڭ ادىسكەرى، ديرەكتوردىڭ وقىتۋ-سپورت جۇمىستارى بويىنشا ورىنباسارى، الماتى وبلىستىق جوعارى سپورت شەبەرلىگى مەكتەبىنىڭ ديرەكتورى. سونىمەن قاتار پانفيلوۆ اۋدانىنىڭ ماسليحات دەپۋتاتى قىزمەتتەرىن اتقارعان.
ول 2018 جىلدىڭ قازان ايىنان وسى كەزگە دەيىن الماتى وبلىسىنىڭ دەنە شىنىقتىرۋ جانە سپورت باسقارماسى باسشىسى لاۋازىمىن اتقارىپ كەلدى.
نۇرباقىت مولداحمەتۇلى گرەك-ريم كۇرەسىنىڭ پالۋانى، جاستار اراسىندا الەم چەمپيونى (ستامبۋل، 2003 جىل), 2008 جىلعى بەيجىڭ وليمپياداسىنىڭ كۇمىس جۇلدەگەرى، 2009 جىلعى الەم چەمپيوناتىنىڭ قولا جۇلدەگەرى، ازيانىڭ ەكى دۇركىن چەمپيونى، قازاقستاننىڭ ەڭبەك سىڭىرگەن سپورت شەبەرى.
«قۇرمەت» وردەنىنىڭ يەگەرى.
