Prezıdent Qasym-Jomart Toqaev Soltústik Eýropanyń birqatar memleketterinde Qurandy órteý áreketterin qazirgi álemdegi shıelenisti ýshyqtyrýǵa, halyqtar men memleketter arasyndaǵy senimge nuqsan keltirýge baǵyttalǵan jol berýge bolmaıtyn arandatýshylyq dep sanaıdy, - dep habarlaıdy "Adyrna" tilshisi Aqordanyń baspasóz qyzmetine silteme jasap.
Qazaqstan Álemdik jáne dástúrli dinder lıderleriniń sezin ótkizýdiń bastamashysy bolyp tabylady. Bul forým dástúrli dinder men konfessııalardyń kórnekti ókilderi arasyndaǵy tıimdi jáne jemisti dıalog alańyna aınaldy.
Memleket basshysy atap ótkendeı, dinı vandalızm faktileri men tıisti memleketter azamattarynyń jaýapsyz minez-qulqynyń kóbeıýin memleketter men dinderdiń órkenıetti qatar ómir súrýiniń jalpyǵa tanylǵan normalaryna qaıshy keletin áreketter retinde biraýyzdan aıyptaý kerek.
Sondaı-aq ol Birikken Ulttar Uıymynyń Bas Assambleıasy da bul máselege qatysty salmaqty sózin aıtýy kerektigin aıtty.
Eske sala keteıik, buǵan deıin Ózbekstan prezıdenti Shavkat Mırzııaev aatlǵan áreketke baǵa bergen bolatyn. Ol Shveııadaǵy qasıetti Qurannyń órtenýin "Jer betindegi mıllıondaǵan adamdardyń dini men saf sezimderin qorlaıtyn mundaı jaǵdaılarǵa jol berýge bolmaıdy" dep atady.
