ەلباسىمىزدىڭ ارنايى تاپسىرماسىمەن قۇرىلعان «وتانداستار» قورى جايىندا ەل ىشىندە دۇرىس كوزقاراس قالىپتاسپاي جاتىر. جۇمىسىن باستاعانىنا جىلعا جۋىقتاعان بۇل قوردىڭ facebook ارنايى پاراقشاسىن اقتارساق، شەتەلدە كوزى جاۋدىرەگەن كوپ قازاقپەن تۇك قاتىسى جوق، قازاقستان رەسپۋبيكاسىنىڭ "وتانداستار قورى" ەمەس، سسسر-دىڭ "رودينا" قوعامنىڭ 21-عاسىرداعى پاراقشاسىنا تاپ بولعانداي كۇي كەشەسىڭ. قاپتاعان رەفەرەندۋمدارعا قول قويۋ، گەرمانيا، فرانتسيا سياقتى ساناۋلى عانا قانداس تۇراتىن ەۆروپا ەلدەرىنە قىدىرىپ قايتۋ،...
بارلىق جيىندارى مەن شارالارىن دەرلىكتەي ورىس تىلىندە وتكىزۋ سياقتى كەرى باعىتتا كەتىپ بارا جاتقانى كورىنىپ تۇر.
https://www.facebook.com/303538873840291/posts/318925692301609/
https://www.facebook.com/303538873840291/posts/315017692692409/
https://m.facebook.com/story.php?story_fbid=135829720871683&id=100033339668232
https://m.facebook.com/story.php?story_fbid=132148164573172&id=100033339668232
https://m.facebook.com/story.php?story_fbid=131707664617222&id=100033339668232
ءبىراز جىلدار بۇرىن «دۇنيە ءجۇزى قازاقتارىنىڭ قاۋىمداستىعى» دا ەۆروپانى شىر اينالىپ توي تويلاپ، "سامۇرىق قازىنا "قازىناسىن سۋشا ساپىرىپ، قانداستاردىڭ نارازىلعىنا قالعان بولاتىن. الايدا، ودان ساباق الايىن دەگەن "قور" كورىنبەيدى. "وتانداستار قورى" قوردا قازاق ءتىلىن قورلاپ جاتقاندا "دۇنيەجۇزى قازاق قاۋىمداستىعى" دەپ اتالاتىن اتى تاۋداي، ەلباسى توراعا بولاتىن قاۋىمداستىق تىرپ ەتپەي جاتىر.
زەينەت جاسىنان اسقان، كۇش-جىگەرى مۇقالعان شال-كەمپىرلەردى جيناپ الىپ، قاي جەردە ەت پەن توي بار دەپ اڭىس اڭداپ جاتسا كەرەك...
اڭگىمە قور جۇمىسى تۋرالى عوي، ەندەشە مىناعان نازار سالىڭىزدارشى: 4-ءشى ءساۋىر كۇنى قور باسشىلارى «گازەتا ليتەرگە» تىكەلەي ەفيرگە شىقتى.
https://m.facebook.com/story.php?story_fbid=2066427773658089&id=1536592506562959 جينالىس 100 پايىز رەسەي تىلىندە ءوتتى. ەفيردى كورىپ، رەنىشىن اشىق جازعان نارازى پىكىرلەردىڭ استىندا قالسا دا ءبىر اۋىز قازاقشا ءۇن قاتقان جوق. قازاقشا ءبىر اۋىز ءسوزدى بىلمەيتىن ءبىر توپ ءدانىشپان ورىس ءتىلدى گازەتپەن شەتتەگى قانداستار جايلى نە ايتىپ،منە قويعانىن شەتتەن كەلگەن قازاقتار تۇسىنگەن جوق. قور العاش قۇرىلعان كەزدە قازاقشا دۇرىس بىلمەيتىن نۇرتاي ابىقاەۆ ءوزى بىلمەسەمدە قاسىنا مەملەكەتتىك ءتىلدى بىلەتىن،مۇلتقا جانى اشيتىن ادامداردى توپتايتىن شىعار دەگەن ۇمىتتە بولدىق. تالاي سىناۋعا ءتيىس كەزدە جاڭا قۇرىلدى عوي دەپ كۇتتىك...
الايدا، قوردىڭ مەملەكەتتىك ءتىلدى قورلاي قاراۋى توقتار ەمەس. الەمدە شاشىراعان 5 ميلليونعا جۋىق قازاقتىڭ 80-90 پايىزى قىتاي، وزبەكستان، موڭعوليا، يران، تۇركيا سياقتى ەلدەردە تۇرادى. ولار ورىس ءتىلىن مۇلدە تۇسىنبەيدى، تۇسىنگىسى دە كەلمەيدى. ال، رەسەيدەن كەلەتىن قانداستار ءۇشىن قۇجات راسىمدەۋ ەلىمىزدە ەش پروبلەما تۋدىرمايتىنى ونسىزدا تۇسىنىكتى.
باسشىسى دا، قوسشىسى دا وزگە تىلدە سايرايتىن بۇل قور «الداعى ۋاقىتتا قازاق كوشىن جانداندىرىپ، قازاق ەلىنە قانداستاردى ءجۇز مىڭداپ تارتادى. اعايىننىڭ مۇڭىن تىڭداپ، جانىن سالا قىزمەت ەتەدى» دەگەنگە سەنۋدەن قالدىق.
پرەزيدەنت قاسىم-جومارت توقاەۆ جاقىندا عانا: «قازاقتىڭ ءتىلى – قازاقتىڭ جانى! حالقىمىزدىڭ تاريحى دا، تاعدىرى دا – تىلىندە. مادەنيەتى مەن ادەبيەتى دە، ءدىلى مەن ءدىنى دە – تىلىندە» دەپ اشىق ايتقان بولاتىن.
ورالماندار ءۇشىن شىنايى جۇمىس ىستەمەي، توي تويلاپ، ءوز قامدارىن عانا ويلاپ، ەل قازىناسىن شاشاتىن بولسا، بۇنداي قوردى كوز الداپ قۇرۋىڭ نە قاجەتى بار؟
ەگەر، جاڭا پرەزيدەنت قاسىمجومارت توقاەۆ سوزىندە تۇرسا، الداعى ەلىمىز ءۇشىن ماڭىزدى تاريحي كەزەڭدە ەلدىڭ قولداۋىنا، سەنىمىنە يە بولامىن دەسە، وندا جۇگەنسىز كەتكەن "وتانداستار قورى" جونگە سالۋ كەرەك.
"دۇنيەجۇزى قازاق قاۋىمداستىعى" جانە وتانداستار" قورىنىڭ شەتتەن كەلگەن قازاقتارعا جانى اشىماۋىنان، ارەكەتسىزدىگىنەن، قازاق ءتىلدى قازاقتارمەن بايلانىس جاساي الماۋىنان بيلىككە سەنىمى كەتىپ ،ءارتۇرلى بەلگىسىز توپتاردىڭ سويىلىن سوعىپ، ارتىنان ىلەسىپ كەتۋى مۇمكىن.
سوندىقتان الدا بولاتىن سىن ساعاتتاردا ەلدىڭ بەركەسى، تىنشتىعى ءۇشىن، شەتتەن كەلگەن ءبىر ميلليوننان استام قازاقتىڭ نارازىلىعىن تۋدىرماۋ ءۇشىن، جوعارىدا اتى اتالعان ەكى ەكى ۇيىمنىڭ جۇمىسىن تىكەلەي پرەزيدەنت باقىلاۋىنا الۋ كەرەك دەپ ويلايمىن. ءارى قورداعى قازاق ءتىلىن بىلمەيتىن،اقشا جاساۋ ءۇشىن كەلگەندەردى قوردان الاستايتىن ۋاقىت جەتتى!!!
بەرىك ءۋالي اعامىز پرەزيدەنت قاسىم-جومارت كەمەلۇلىنا جەتكىزەر دەپ ويلايمىن.
Serik Kerei-ءدىڭ فب پاراقشاسىنان
