قازاقستاننىڭ جۇپتىق سىنداعى ءبىرىنشى، الەمنىڭ ەلۋ ءۇشىنشى راكەتكاسى الەكساندر نەدوۆەسوۆ باستاد ATP 250 ءتۋرنيرىنىڭ چەمپيونى اتاندى، دەپ حابارلايدى “ادىرنا” ۇلتتىق پورتالى.
قازاقستاندىق تەننيسشى ەكۆادورلىق گونسالو ەسكوبارمەن بىرگە فينالدا پورتۋگاليالىق فرانسيشكۋ كابرال – برازيليالىق رافاەل ماتوسپەن باس جۇلدە ءۇشىن سىنعا ءتۇستى.
ا.نەدوۆەسوۆ پەن گ.ەسكوبار ەكى سەتتە دە 6:2, 6:2 ەسەبىمەن باسىمدىلىق تانىتتى. ولار ءبىر ساعاتتان استام ۋاقىتقا سوزىلعان باسەكە بارىسىندا 1 ەيس جاساپ، 10 برەيك-پوينتتىڭ تەڭ جارتىسىن پايدالاندى. قارسىلاستارى 3 ەيس، 1 برەيكپەن (4 برەيك-پوينت) شەكتەلدى.
وسىلايشا، ا.نەدوۆەسوۆ ءوز سپورتتىق جولىندا العاش رەت ATP 250 جارىسىنىڭ جەڭىمپازى بولدى. بۇعان دەيىن ول ءتورت مارتە فينالعا شىعىپ، بارىندە جەڭىلىس تاپقان ەدى.
