سەمەيدە توعىز جاستاعى قىزدى زورلاعان 48 جاستاعى ەر ادامعا قاتىستى سوت ۇكىمى شىقتى. بۇل تۋرالى "نە مولچي" قورىنىڭ باسشىسى دينا سمايىلوۆا الەۋمەتتىك جەلىدە جاريالادى، دەپ حابارلايدى “ادىرنا” ۇلتتىق پورتالى.
اباي وبلىسىنىڭ قىلمىستىق ىستەر جونىندەگى مامانداندىرىلعان اۋدانارالىق سوتى توعىز جاسار قىزدى زورلاعان ەر ادامعا ۇكىم شىعاردى.
ەر ادام 25 جىلعا باس بوستاندىعىنان ايىرىلدى. ول جازاسىن قاتاڭ رەجيمدەگى كولونيادا وتەيدى، - دەپ جازىلعان حابارلامادا.
ايتا كەتەيىك، جانتۇرشىگەرلىك وقيعا 2022 جىلى تامىز ايىندا بولدى. قىزدىڭ اناسىنىڭ ايتۋىنشا، قىلمىستى 48 جاستاعى كورشىسى جاساعان.
