قوستاناي وبلىسىندا ەر ادام اۋىلداسىن ۇرىپ ولتىرگەن. مەڭدىقارا اۋدانىنىڭ پوليتسيا قىزمەتكەرلەرى كۇدىكتىنى قولعا ءتۇسىردى، دەپ حابارلايدى “ادىرنا” ۇلتتىق پورتالى.
قىلمىس مەڭدىقارا كەنتىندە بولعان. پوليتسياعا اۋدان ورتالىعىنىڭ تۇرعىنى قوڭىراۋ شالىپ، ءۇيدىڭ جانىنان ەر ادامنىڭ ءمايىتىن تاپقانىن حابارلادى. وقيعا ورنىنا جەدەل-تەرگەۋ توبى بارىپ، قازا تاپقان ادامنىڭ دەنەسىندە زورلىق-زومبىلىقتىڭ بەلگىلەرى بار ەكەنىن انىقتادى، - دەلىنگەن حابارلامادا.
اتالعان فاكتى بويىنشا قر قىلمىستىق كودەكسىنىڭ 106-بابىنىڭ 3-بولىگىنە سايكەس سوتقا دەيىنگى تەرگەۋ باستالدى. جۇرگىزىلگەن سوت-مەديتسينالىق ساراپتاماسى العان دەنە جاراقاتتارىنان زورلىق-زومبىلىقپەن ءولىم فاكتىسىن راستادى.
وسى قىلمىستى جاسادى دەگەن كۇدىك بويىنشا جەدەل-ىزدەستىرۋ ءىس-شارالارىنىڭ ناتيجەسىندە جەرگىلىكتى تۇرعىن ۇستالدى.
كۇدىكتى مويىنداپ، ىشىمدىك ءىشۋ كەزىڭدە ەر ادامدار اراسىندا جانجال بولعانىن ايتتى. سونىڭ سالدارىنان كۇدىكتى جابىرلەنۋشىگە بىرنەشە سوققى جاساپ، ءولتىرىپ قويعان. قازىرگى ۋاقىتتا قاجەتتى تەرگەۋ ارەكەتتەرى جۇرگىزىلىپ جاتىر، كۇدىكتى قاماۋعا الىندى، دەلىنگەن حابارلامادا.
