بۇگىن جۋرناليست، ساتيريك جازۋشى قانات ەسكەندىر الدەكىمدەردەن قىسىم كورىپ جاتقانىن مالىمدەدى، دەپ حابارلايدى ادىرنا ۇلتتىق پورتالى.
ءجۋرناليستىڭ ايتۋىنشا، وسىدان بىرنەشە كۇن بۇرىن ونى بەلگىسىز ادامدار سوققىعا جىققان. سوققىنىڭ اۋىر بولعانى سونشالىق، قانات ەسكەندىر الماتى قالاسىنداعى ەمحانالاردىڭ ءبىرىنىڭ نەيروحيرۋرگيا بولىمىنە ءتۇسىپ، ارنايى ەمدەلگەن.
ءجۋرناليستىڭ ايتۋىنشا، جاعى دا سىنىپتى. سونىمەن قاتار، سوققىعا جىققاندار تىستەرىن دە قاعىپ العان.
كۇدىككە ىلىنگەن ازاماتتار ۇستالعانىمەن، المالى اۋداندىق پوليتسيا ءبولىمى ولارعا اكىمشىلىك ءىس قوزعاپ، "جەڭىل دەنە جاراقاتىن سالعان" دەگەن ايىپپەن بوساتىپ جىبەرگەن.
قانات ەسكەندىر ەندى ءوزىنىڭ جەكە باس قاۋىپسىزدىگى مەن بالا-شاعاسىنىڭ ومىرىنەن الاڭداپ وتىر.
بۇل جونىندە ول Facebook-تەگى پاراقشاسىنداعى جازباسىندا جازعان.
جازعانىنا قاراعاندا، ىشكى ىستەر باسقارماسىنان تەرگەۋشىلەر كەلگەن. "ماعان جانە وتباسىما جاسالعان قوقان-لوققى مەن جەكە باسىما قاتىستى جاسالعان شابۋىلدى تەرگەيتىن بولدى. ونىڭ سىرتىندا، ەرتەڭ قالالىق پروكۋراتۋراعا دا ارىز جازاتىن بوپ وتىرمىن" دەگەن ول.
"سەنىڭ بالدارىڭنىڭ ءار قادامىن بىلەمىز!" دەگەندەر - لايىقتى جازاسىن الۋى كەرەك!" دەپ جازادى قانات ەسكەندىر.
ادىرنا ۇلتتىق پورتالىنىڭ تىلشىلەرى جۋرناليست قانات ەسكەندىردىڭ جاعدايىن ءبىلدى. ول ەكى تاۋلىكتەن بەرى ۇيىقتاماعانىن، سوندىقتان جاعدايدى تولىق ءتۇسىندىرىپ ايتا المايتىنىن، قانداي جاعداي بولماسىن كىنالىلەر ءادىل جازا الۋ كەرەكتىگىن ايتتى.
"ادىرنا" ۇلتتىق پورتالى
