1 شىلدەدەن باستاپ قازاقستاننىڭ تابيعات قورعاۋ مەكەمەلەرى قىزمەتكەرلەرىنىڭ جالاقىسىنا 100% ۇستەمەاقى قوسىلعانى ايتىلدى. مۇنداي قاۋلى مەملەكەت باسشىسىنىڭ تابيعات قورعاۋ مەكەمەلەرى قىزمەتكەرلەرىنىڭ جاعدايىن جاقسارتۋ جونىندەگى تاپسىرماسىن ورىنداۋ اياسىندا قابىلدادى، دەپ حابارلايدى "ادىرنا" ۇلتتىق پورتالى.
ارنايى قابىلدانعان قۇجاتتا ادام ءومىرى مەن دەنساۋلىعىنا قاۋىپ توندىرەتىن جۇمىس ءۇشىن قوسىمشا اقى بەلگىلەۋ كوزدەلگەن.
ەڭبەك جاعدايلارى ەرەكشە قۇرىلىمداردىڭ قاتارىنا جانۋارلار دۇنيەسىن قورعاۋ، ورماندى قورعاۋ جانە قالپىنا كەلتىرۋ، مەملەكەتتىك ورمان قورعاۋ جانە ت.ب. مامانداندىرىلعان ۇيىمدار جاتادى.
ەندى قىزمەتكەرلەردىڭ ورتاشا جالاقىسى اتقاراتىن قىزمەتى مەن جۇمىس وتىلىنە بايلانىستى 101 مىڭنان 320 مىڭ تەڭگەگە دەيىن ۇلعايادى.
تابيعاتتى قورعاۋ سالاسىندا قىزمەت اتقاراتىن 12 876 ماماننىڭ جالاقىسى كوتەرىلەدى.
ۇكىمەت باسشىلىعى اتالعان باستاما ارقىلى بىلىكتى كادرلاردىڭ بۇل سالادا تۇراقتاپ قالۋىن قامتاماسىز ەتۋدى، جۇمىستىڭ يگىلىكتەرىن مولايتۋدى كوزدەپ وتىر.
"ادىرنا" ۇلتتىق پورتالى
ۇقساس جاڭالىقتار
مەملەكەت باسشىسى
ارنايى قاۋلى
تابيعات قورعاۋ
تابيعات قورعاۋ قىزمەتكەرلەرى
جالاقىسى 100%
تابيعاتتى قورعاۋ سالاسى
