باستى بەت
جاڭالىقتار
رەسەيدە "يسلام مەملەكەتىن" "قولدادى" دەگەن ەكى كۇدىكتىنى اتىپ ولتىرگەن

رەسەيدە "يسلام مەملەكەتىن" "قولدادى" دەگەن ەكى كۇدىكتىنى اتىپ ولتىرگەن

13.04.2019

1505

رەسەيدىڭ تيۋمەن قالاسىندا قۇقىق قورعاۋ ورگان وكىلدەرى "يسلام مەملەكەتى" تەرروريستىك ۇيىمىن "قولدادى" دەگەن ەكى ازاماتتى اتىپ ولتىرگەن. ينتەرفاكس اگەنتتىگى 12 ءساۋىر كەشكە قالادا انتيتەرروريستىك وپەراتسياعا بايلانىستى ارنايى رەجيم ەنگىزىلگەنىن حابارلادى. قازا تاپقان ادامدار سانى تۋرالى ازىرگە رەسمي دەرەك جوق.

رەسەيلىك اقپارات قۇرالدارىنىڭ حابارلاۋىنشا، پوليتسەيلەر اتىپ ولتىرگەن ەكى كۇدىكتى ولارعا وق اتىپ، قارسىلاسقان. وپەراتسيا جۇرگەن ۇيلەردىڭ ءبىرى ورتەنگەن. قالاداعى بىرنەشە كوشەدە جارىق ءسونىپ، تۇرعىندارى باسقا جاققا كوشىرىلگەن. ولار جەرگىلىكتى مەكتەپتەردىڭ بىرىنە ورنالاستىرىلىپ، تۇندە سول جاقتا قونعان. الەۋمەتتىك جەلىدە تاراعان ۆيدەولاردان قالادا تۇندە وق اتىلعانىن ەستۋگە بولادى، كوشەدە بروندى تەحنيكا جۇرگەنى جايلى سۋرەتتەر دە پايدا بولعان.

رەسەيلىك باق جازۋىنشا، 12 ساۋىردە فەدەرالدى بارلاۋ قىزمەتىنە (فسب) "جەكە ۇيلەردىڭ بىرىندە قوعامدىق ورىندارعا تەرروريستىك شابۋىل جاساۋدى كوزدەپ وتىرعان قارۋلى توپتىڭ بار ەكەنى" جايلى اقپارات تۇسكەن.

"ازاتتىق" راديوسى

Facebook - парақшамызға жазылыңыз!