Basty bet
Jańalyqtar
Reseıde "Islam memleketin" "qoldady" degen eki kúdiktini atyp óltirgen

Reseıde "Islam memleketin" "qoldady" degen eki kúdiktini atyp óltirgen

13.04.2019

2150

Reseıdiń Tıýmen qalasynda quqyq qorǵaý organ ókilderi "Islam memleketi" terrorıstik uıymyn "qoldady" degen eki azamatty atyp óltirgen. Interfaks agenttigi 12 sáýir keshke qalada antıterrorıstik operaııaǵa baılanysty arnaıy rejım engizilgenin habarlady. Qaza tapqan adamdar sany týraly ázirge resmı derek joq.

Reseılik aqparat quraldarynyń habarlaýynsha, polıeıler atyp óltirgen eki kúdikti olarǵa oq atyp, qarsylasqan. Operaııa júrgen úılerdiń biri órtengen. Qaladaǵy birneshe kóshede jaryq sónip, turǵyndary basqa jaqqa kóshirilgen. Olar jergilikti mektepterdiń birine ornalastyrylyp, túnde sol jaqta qonǵan. Áleýmettik jelide taraǵan vıdeolardan qalada túnde oq atylǵanyn estýge bolady, kóshede brondy tehnıka júrgeni jaıly sýretter de paıda bolǵan.

Reseılik BAQ jazýynsha, 12 sáýirde Federaldy barlaý qyzmetine (FSB) "jeke úılerdiń birinde qoǵamdyq oryndarǵa terrorıstik shabýyl jasaýdy kózdep otyrǵan qarýly toptyń bar ekeni" jaıly aqparat túsken.

"Azattyq" radıosy

Facebook - парақшамызға жазылыңыз!