اباي وبلىسىندا قۇرعاق شوپتەن شىققان ءورت وقشاۋلاندى، دەپ مالىمدەيدى “ادىرنا”.
15 شىلدە كۇنى «101» پۋلتىنە سەمەي قالاسىنان 75 كم قاشىقتىقتا ورنالاسقان كوكەنتاۋ اۋىلدىق وكرۋگىندە ءورت شىقتى.
بۇگىن، 17 شىلدە كۇنى 07:14 شاماسىندا كوكەنتاۋ اۋىلدىق وكرۋگىندە قۇرعاق ءشوپتىڭ جانۋى باسىلعان.
جەرگىلىكتى اتقارۋشى ورگانداردىڭ جاريالاعان اقپاراتى بويىنشا جالىن شارپىعان ايماق - 3 000 گەكتاردى قۇرايدى.
قىزىل جالىننان ورتكە جاقىن ەلدى مەكەندەرگە تونەر قاۋىپ جوق.
الاۋدى اۋىزدىقتاۋ ءۇشىن اباي وبلىسى تجد جانە 68303 اسكەري ءبولىمىنىڭ كۇش-قۇرالدارى، بارلىعى 115 ادام جانە 18 تەحنيكا جۇمىلدىرىلىپ وتىر. ءورتتى ءسوندىرۋ جۇمىسى جەرۇستى ادىسىمەن جۇزەگە اسىپ جاتىر.
