تانىمال اقىن، قازىرگى ايتىس ونەرىنىڭ قارا نارى ءجۇرسىن ەرمان پروفەسسور اتاندى. مۇنداي اتاقتى وعان الماتىداعى تەمىربەك جۇرگەنوۆ اتىنداعى ونەر اكادەمياسى بەرگەن.
ەندى ءجۇرسىن مولداشۇلى ونەر اكادەمياسىندا "ايتىس" ماماندىعى بويىنشا ءدارىس وقىماق.
"مەن كەشە تەمىربەك جۇرگەنوۆ اتىنداعى قازاق ۇلتتىق ونەر اكادەمياسىنىڭ پروفەسسورى بولىپ اتاندىم! ەندى اكادەميادا اشىلعان ۇلتتىق ونەر فاكۋلتەتىندە ايتىس ماماندىعى بويىنشا ءدارىس وقيتىن بولامىن", - دەپ قۋانىشىمەن ءبولىستى اقىن جەلىدەگى پاراقشاسىندا.
ايتا كەتەيىك، ءجۇرسىن ەرمان 1951 جىلى قاراعاندى وبلىسىنىڭ ۇلىتاۋ اۋدانىندا تۋعان. قازمۋ-ءدىڭ (رەد. قازىرگى قازۇۋ) جۋرناليستيكا فاكۋلتەتىن تامامداعان.
