Tanymal aqyn, qazirgi aıtys óneriniń Qara Nary Júrsin Erman professor atandy. Mundaı ataqty oǵan Almatydaǵy Temirbek Júrgenov atyndaǵy óner akademııasy bergen.
Endi Júrsin Moldashuly óner akademııasynda "aıtys" mamandyǵy boıynsha dáris oqymaq.
"Men keshe Temirbek Júrgenov atyndaǵy Qazaq ulttyq óner akademııasynyń professory bolyp atandym! Endi akademııada ashylǵan Ulttyq óner fakýltetinde aıtys mamandyǵy boıynsha dáris oqıtyn bolamyn", - dep qýanyshymen bólisti aqyn jelidegi paraqshasynda.
Aıta keteıik, Júrsin Erman 1951 jyly Qaraǵandy oblysynyń Ulytaý aýdanynda týǵan. QazMÝ-diń (red. qazirgi QazUÝ) jýrnalıstıka fakýltetin támamdaǵan.
