13 شىلدە كۇنى جەزقازعان جىلۋ ەلەكتر ورتالىعىندا اپات بولدى. بۇل تۋرالى ەنەرگەتيكا مينيسترلىگىنىڭ ءباسپاسوز قىزمەتى جازدى، دەپ حابارلايدى «ادىرنا» ءتىلشىسى.
«كەشە، 2023 جىلعى 13 شىلدەدە ساعات 21:12-دە قولايسىز اۋا-رايى جاعدايىندا اقادىر-جەزقازعان 500 كۆ ەلەكتر بەرۋ جەلىسى اجىراتىلدى. ەلەكتر جەلىسىنىڭ پارامەترلەرىنىڭ وزگەرۋى جەزقازعان جەو-نىڭ №7 جانە 11 قازاندىقتارىنىڭ شاڭ قورەكتەندىرگىش قوزعالتقىشتارىنداعى جيىلىك تۇرلەندىرگىشتەرىنىڭ اجىراتىلۋىنان ولاردىڭ سونۋىنە اكەلدى. بۋدىڭ بولماۋىنا بايلانىستى №4, 7 تۋربينالار توقتاتىلدى، بۇل گەنەراتسيانىڭ تولىق تومەندەۋىنە اكەلدى. ستانتسيانىڭ جۇمىس رەجيمىن قالپىنا كەلتىرۋ ءبىر ساعاتتان كەيىن باستالدى»،—دەلىنگەن حابارلامادا.باسقارما زان-جاقتى تەرگەۋ جۇرگىزۋ ءۇشىن اتومدىق جانە ەنەرگەتيكالىق قاداعالاۋ مەن باقىلاۋ كوميتەتىنىڭ كوميسسياسى قۇرىلعانىن اتاپ ءوتتى. بۇل جەزقازعان جەو-نىڭ تولىق توقتاۋى ءبىرىنشى رەت ەمەس. 19 ماۋسىم ساعات 12:45-تە ءوزىنىڭ ەلەكتر قاجەتتىلىكتەرىن جوعالتۋ سالدارىنان ستانتسيا گەنەراتسياسى 129-دان 0 مۆت-قا دەيىن تومەندەگەن.
«جوعارىدا ايتىلعانداردىڭ نەگىزىندە «قازاقمىس ەنەردجي» جشس-نىڭ باسشىلىعىنا جەزقازعان جەو-نىڭ سەنىمدى جۇمىسىن قامتاماسىز ەتۋ جونىندە پارمەندى شارالار قابىلداۋ تاپسىرىلدى. «قازاقمىس ەنەردجي» جشس-نىڭ قاۋىپسىز جۇمىس ماسەلەسى بويىنشا ارنايى كەڭەس 2023 جىلعى 17 شىلدە دۇيسەنبى كۇنى مينيسترلىكتە وتكىزىلەدى»،—دەپ تولىقتىردى مينيسترلىك.
ۇقساس جاڭالىقتار
