شىلدە ايىنىڭ ون ۇشىندە الماتى قالاسى جاستار ساياساتى باسقارماسىنىڭ قولداۋىمەن “جاستار اراسىندا ينتەرنەت تاۋەلدىلىكتىڭ جانە قۇمار ويىنداردىڭ الدىن الۋ” جوباسى اياسىندا الماتى قالاسى قوعامدىق كەڭەس مۇشەلەرىمەن، زيالى قاۋىم وكىلدەرىمەن جانە جاستاردىڭ قاتىسۋىمەن قوعامدىق تىڭداۋ ءوتتى.
اتاپ ايتساق، جاستار باستامالارىن قولداۋ جانە ۇكىمەتتىك ەمەس ۇيىمدارمەن جۇمىس بويىنشا ءبولىم باسشىسى بەكقايىروۆ نۇرسۇلتان بولاتۇلى، الماتى ق.، قوعامدىق كەڭەس مۇشەلەرى قۋانباەۆ نۇرلىبەك، تالعات جانىسباي، تاريحشى-ارحەولوگ جانبولات اسقارۇلى، جان-ۇيا قولداۋ ورتالىعىنىڭ پسيحولوگى اقمارال داۆلەتوۆا، قازاق ءتىلى مەن ادەبيەت ءپانىنىڭ مۇعالىمى سايلاۋباي ارۋجان سەكىلدى ازاماتتار بەلسەنە قاتىستى. جانە ءىس-شارا بارىسىندا 14 جاستاعى جاسوسپىرىمدەردىڭ اراسىندا “ينتەرنەتتىڭ پايداسى مەن زيانى” تاقىرىبىندا پىكىرتالاس ءوتتى.
قوعامدىق تىڭداۋ سوڭىندا جوباعا قاتىستى ءتۇرلى ۇسىنىستار ۇسىنىلىپ، وي-پىكىرلەر ورتاعا سالىندى.
اقگۇل ايداربەكقىزى
