دوستار،
مەن قوعامدىق بەلسەندىلىگىمنىڭ ارقاسىندا كوپ قاۋىمعا بەلگىلى بولدىم. وسىعان وراي، كوپ ادامدار مەنى قازاقستان رەسپۋبليكاسى پرەزيدەنتىنە ۇمىتكەر بولۋعا ۇسىنىپ ءجۇر، جانە كوپتەگەن ساۋالنامالارعا، رەيتينگتەرگە قىستىرىپ ءجۇر. مەن ولاردى تۇسىنەمىن. سوندىقتان ارتىق ءسوزدى توقتاتۋ ءۇشىن جانە بارلىق سۇراقتارعا جاۋاپ بەرۋ ءۇشىن ءوز پىكىرىمدى كەلتىرىپ وتىرمىن.
بىرىنشىدەن، ءبىزدىڭ قوعاممەن ساياساتتىڭ ەگجەي-تەگجەيلەرىن بىلە وتىرىپ مەن ساياساتتان ءارى جۇرگەندى ءجون كورەمىن.
ەكىنشىدەن، سايلاۋ زاڭى بويىنشا ەركىن، تاۋەلسىز ۇمىتكەر سايلاۋعا قاتىسا المايدى. تەك پارتيالار ارقىلى عانا. ال بىزدە قانشا پارتيا بار جانە ولاردىڭ ارتىندا كىم تۇرعانىن بىلەسىزدەر.
ۇشىنشىدەن، سايلاۋ زاڭىنىڭ تالابى بويىنشا، مەندە مەملەكەت ورگاندارىندا ىستەگەن 5 جىلدىق تاجىريبەم جوق. مەنىڭ پىكىرىمشە بۇل بيلىككە بوتەن ادام كىرمەسىن دەپ ىستەلگەن نارسە.
تورتىنشىدەن، ۇمىتكەر كەيىنگى 15 جىلدى قازاقستاندا تۇرۋى قاجەت. ءسىز بىلەتىندەي، مەنى ەلدە قۋدالاعاندىقتان، مەن ءبىر جىلداي شەت ەلدە تۇرۋعا ءماجبۇر بولدىم.
بەسىنشىدەن. جوعارى ايتىلعان سەبەپتەردەن تىس، تاۋەلسىز ادامعا ۇمىتكەر بولۋعا مۇمكىندىك بەرمەيتىن، باسقا دا كوپتەگەن كوزگە كورىنبەيتىن كەدەرگىلەر بار.
التىنشىدان، مەن سايلاۋدىڭ اشىق، تازا جانە ءادىل بولاتىنىنا كۇمانىم بار. مەنىڭ پىكىرىم بويىنشا بۇل سايلاۋدىڭ ناتيجەسى بەلگىلى، ونى وزدەرىڭىز دە بىلەسىزدەر. سايلاۋ اشىق بولۋى ءۇشىن، وعان، وركەنيەتتى ەلدەردەگىدەي كەز-كەلگەن تاۋەلسىز ۇمىتكەردىڭ قاتىسا الاتىن جاعدايى بولۋ كەرەك. ۇمىتكەرلەردىڭ سايلاۋعا دايىندالىپ ۇلگەرەتىن ۋاقىتى بولۋ كەرەك، بارلىق ۇمىتكەرلەر باق قۇرالدارى مەن داۋىس بەرۋ ۇدەرىسىن قاداعالاۋعا بىردەي اسەرى بولۋ كەرەك، xالىق اسىقپاي، ويلانىپ تاڭداۋعا جاعداي بولۋ كەرەك.
جەتىنشىدەن، بۇل ەڭ ماڭىزدىسى، مەنىڭ ويىمشا، كەلەشەكتە بارلىق ەل ءبىر ادامعا قاراپ قالماۋى كەرەك. سوندىقتان مەن قازاقستاننىڭ پارلامەنتتىك رەسپۋبليكا بولعانىن دۇرىس دەپ ەسەپتەيمىن.
دوستار،
بۇل مەنىڭ جەكە پىكىرىم، سايلاۋعا قاتىسپايتىن سەبەپتەرىمدى ايتىپ بەردىم. مەن تەك قانا زاڭدى جولدارىن ويلايتىن اداممىن. ەشكىمدى، ەشتەڭەگە تارتىپ يا ناسيxاتتاپ وتىرعان جوقپىن. مەن قاتەلەسۋىم دە مۇمكىن، بۇرىن كوپ قاتەلەسكەنمىن دە. مەنىڭ نيەتىم ول تۇككە تۇرمايتىن ءۇمىت پەن بولجاۋلاردى توقتاتۋ عانا بولدى. بىزدە ارقاشان وزىمىزگە تۇراتىن بيلىك بولادى. سوندىقتان وزدەرىڭىزدى وزگەرتىپ، جۇمىس ىستەپ، بەلسەندى بولىپ، جاۋاپكەرشىلىكتى ءوز مويىندارىڭا الىپ، سابىر ساقتاڭىزدار.
