Dostar,
men qoǵamdyq belsendiligimniń arqasynda kóp qaýymǵa belgili boldym. Osyǵan oraı, kóp adamdar meni Qazaqstan Respýblıkasy prezıdentine úmitker bolýǵa usynyp júr, jáne kóptegen saýalnamalarǵa, reıtıngterge qystyryp júr. Men olardy túsinemin. Sondyqtan artyq sózdi toqtatý úshin jáne barlyq suraqtarǵa jaýap berý úshin óz pikirimdi keltirip otyrmyn.
Birinshiden, bizdiń qoǵammen saıasattyń egjeı-tegjeılerin bile otyryp men saıasattan ári júrgendi jón kóremin.
Ekinshiden, saılaý zańy boıynsha erkin, táýelsiz úmitker saılaýǵa qatysa almaıdy. Tek partııalar arqyly ǵana. Al bizde qansha partııa bar jáne olardyń artynda kim turǵanyn bilesizder.
Úshinshiden, saılaý zańynyń talaby boıynsha, mende memleket organdarynda istegen 5 jyldyq tájirıbem joq. Meniń pikirimshe bul bılikke bóten adam kirmesin dep istelgen nárse.
Tórtinshiden, úmitker keıingi 15 jyldy Qazaqstanda turýy qajet. Siz biletindeı, meni elde qýdalaǵandyqtan, men bir jyldaı shet elde turýǵa májbúr boldym.
Besinshiden. Joǵary aıtylǵan sebepterden tys, táýelsiz adamǵa úmitker bolýǵa múmkindik bermeıtin, basqa da kóptegen kózge kórinbeıtin kedergiler bar.
Altynshydan, men saılaýdyń ashyq, taza jáne ádil bolatynyna kúmánim bar. Meniń pikirim boıynsha bul saılaýdyń nátıjesi belgili, ony ózderińiz de bilesizder. Saılaý ashyq bolýy úshin, oǵan, órkenıetti elderdegideı kez-kelgen táýelsiz úmitkerdiń qatysa alatyn jaǵdaıy bolý kerek. Úmitkerlerdiń saılaýǵa daıyndalyp úlgeretin ýaqyty bolý kerek, barlyq úmitkerler BAQ quraldary men daýys berý úderisin qadaǵalaýǵa birdeı áseri bolý kerek, xalyq asyqpaı, oılanyp tańdaýǵa jaǵdaı bolý kerek.
Jetinshiden, bul eń mańyzdysy, meniń oıymsha, keleshekte barlyq el bir adamǵa qarap qalmaýy kerek. Sondyqtan men Qazaqstannyń Parlamenttik Respýblıka bolǵanyn durys dep esepteımin.
Dostar,
bul meniń jeke pikirim, saılaýǵa qatyspaıtyn sebepterimdi aıtyp berdim. Men tek qana zańdy joldaryn oılaıtyn adammyn. Eshkimdi, eshteńege tartyp ııa nasıxattap otyrǵan joqpyn. Men qatelesýim de múmkin, buryn kóp qateleskenmin de. Meniń nıetim ol túkke turmaıtyn úmit pen boljaýlardy toqtatý ǵana boldy. Bizde árqashan ózimizge turatyn bılik bolady. Sondyqtan ózderińizdi ózgertip, jumys istep, belsendi bolyp, jaýapkershilikti óz moıyndaryńa alyp, sabyr saqtańyzdar.
