قوعامدىق تالقىعا تۇسكەن مالىمدەمەدەن كەيىن "شاڭىراق" وتباسى ۇلگىسىندەگى بالالار اۋىلى مەكەمەسىنە ۋاقىتشا جاڭا باسشى تاعايىندالدى. ول ءوز قىزمەتىن كونكۋرستىق راسىمدەر اياقتالعانعا دەيىن ۋاقىتشا اتقاراتىن بولدى، دەپ حابارلايدى "ادىرنا" ۇلتتىق پورتالى.
"شاڭىراق" وتباسى ۇلگىسىندەگى بالالار اۋىلىنىڭ باسشىلىعى اۋىستى. مەكەمە ديرەكتورىنىڭ ۋاقىتشا مىندەتىن اتقارۋشى بولىپ مۇقاشەۆ قاسىم حادىرۇلىن تاعايىندالدى.
اتىراۋ وبلىسى اكىمىنىڭ ورىنباسارى جاسۇلان بيسەمبيەۆتىڭ ايتۋىنشا، ۋاقىتشا باسشى - بىلىكتى مامان:
- قاسىم حادىرۇلى بۇعان دەيىن كامەلەتكە تولماعانداردى بەيىمدەۋ ورتالىعى، داعدارىس ورتالىعى، №1 جەتىمدەر ۇيىندە ۇزاق جىل ەڭبەك ەتىپ، مول تاجىريبە جيناقتاعان مامان.
جاڭا باسشىعا تاربيەلەنۋشى بالالاردى قورعاۋ، بالالاردىڭ قاۋىپسىزدىگىن قامتاماسىز ەتۋ، جايلى جاعداي قالىپتاستىرۋ بويىنشا تاپسىرمالار جۇكتەدىم.
قاسىم حادىرۇلىنىڭ ەڭبەك جولىندا جيناقتاعان تاجىريبەسى "شاڭىراق" بالالار اۋىلىنداعى قالىپتاسقان كۇردەلى احۋالدى رەتتەۋگە ىقپالىن تيگىزەتىنىنە سەنەمىن. بالالار اۋىلى اتىراۋ وبلىسى اكىمدىگىنىڭ ۇنەمى باستى نازارىندا ەكەنىن اتاپ وتكىم كەلەدى، - دەدى ول.
ەستەرىڭىزگە سالا كەتەيىك، جەلىدە اتىراۋداعى «شاڭىراق» بالالار ءۇيىنىڭ تاربيەلەنۋشىسىنىڭ ۆيدەوسى تاراعانىن حابارلاعان ەدىك. ۆيدەودا اۆتور تىڭ مالىمدەمەلەر جاساپ، بالالاردىڭ ءجابىر كورىپ وتىرعانىن ايتادى.
"ادىرنا" ۇلتتىق پورتالى
