ۇلتتىق ەكونوميكا ءمينيسترى الىبەك قۋانتىروۆتىڭ تۋعان اعاسى ەرمەك قۋانتىروۆ جاڭا قىزمەتكە تاعايىندالدى. ول "قازاتومونەركاسىپتىڭ" قۇقىقتىق باعدارلاۋ جانە ساتىپ الۋ جونىندەگى باس ديرەكتورى بولدى، دەپ حابارلايدى "ادىرنا" ۇلتتىق پورتالى.
تاعايىنداۋ تۋرالى ۇلتتىق اتوم كومپانياسىنىڭ ءباسپاسوز قىزمەتى حابارلادى.
"ەرمەك قۋانتىروۆ 2023 جىلدىڭ 5 شىلدەسىنەن باستاپ قازاتومونەركاسىپتىڭ قۇقىقتىق باعدارلاۋ جانە ساتىپ الۋ جونىندەگى باس ديرەكتورى لاۋازىمىنا تاعايىندالدى. قۋانتىروۆتىڭ فۋنكتسيونالدىق مىندەتتەرىنە ونەركاسىپ جۇمىسىن قۇقىقتىق قامتاماسىز ەتىپ، اتالمىش پروتسەسكە باسشىلىق جاساۋ، حالىقارالىق-قۇقىقتىق ىنتىماقتاستىق ماسەلەلەرىنە جەتەكشىلىك ەتۋ، تاۋەكەلگە باراتىن قادامداردى باسقارۋ جانە ىشكى باقىلاۋ جونىندەگى قىزمەتتى ۇيىمداستىرۋ، سونداي-اق كەشەندى باسقارۋدى جۇزەگە اسىرۋ جانە ساتىپ الۋ پروتسەستەرى مەن كومپانيانىڭ كورپوراتيۆتىك باسقارۋىنا باسشىلىق جاساۋ كىرەدى", - دەلىنگەن حابارلامادا.
قۋانتىروۆ 1.0 پرەزيدەنتتىك جاستار كادرلىق رەزەرۆىنىڭ مۇشەسى، ول وسى ۋاقىتقا دەيىن ادىلەت مينيسترلىگىنىڭ ءتۇرلى باسشىلىق لاۋازىمدارىندا جۇمىس ىستەدى، ونىڭ ىشىندە ۇلتتىق زياتكەرلىك مەنشىك ينستيتۋتىن ("قازپاتەنت") باسقاردى. ءبىلىمى - قۇقىق ماگيسترى (LL.M.). كولۋمبيا ۋنيۆەرسيتەتىندە وقىعان.
جاڭا لاۋازىمعا تاعايىندالعانعا دەيىن ەۋرازيالىق ەكونوميكالىق كوميسسيا، كاسىپكەرلىك قىزمەتتى دامىتۋ دەپارتامەنتىنىڭ ديرەكتورى قىزمەتىن اتقاردى.
ورايى كەلگەندە ايتا كەتەيىك، قۋانتىروۆ ەرمەك ساكەنۇلى ۇلتتىق ەكونوميكا ءمينيسترى الىبەك قۋانتىروۆتىڭ تۋعان اعاسى.
"ادىرنا" ۇلتتىق پورتالى
