Ulttyq ekonomıka mınıstri Álibek Qýantyrovtyń týǵan aǵasy Ermek Qýantyrov jańa qyzmetke taǵaıyndaldy. Ol "Qazatomónerkásiptiń" quqyqtyq baǵdarlaý jáne satyp alý jónindegi bas dırektory boldy, dep habarlaıdy "Adyrna" ulttyq portaly.
Taǵaıyndaý týraly Ulttyq atom kompanııasynyń baspasóz qyzmeti habarlady.
"Ermek Qýantyrov 2023 jyldyń 5 shildesinen bastap Qazatomónerkásiptiń quqyqtyq baǵdarlaý jáne satyp alý jónindegi bas dırektory laýazymyna taǵaıyndaldy. Qýantyrovtyń fýnkıonaldyq mindetterine ónerkásip jumysyn quqyqtyq qamtamasyz etip, atalmysh proeske basshylyq jasaý, halyqaralyq-quqyqtyq yntymaqtastyq máselelerine jetekshilik etý, táýekelge baratyn qadamdardy basqarý jáne ishki baqylaý jónindegi qyzmetti uıymdastyrý, sondaı-aq keshendi basqarýdy júzege asyrý jáne satyp alý proesteri men Kompanııanyń korporatıvtik basqarýyna basshylyq jasaý kiredi", - delingen habarlamada.
Qýantyrov 1.0 prezıdenttik Jastar kadrlyq rezerviniń múshesi, ol osy ýaqytqa deıin Ádilet mınıstrliginiń túrli basshylyq laýazymdarynda jumys istedi, onyń ishinde Ulttyq zııatkerlik menshik ınstıtýtyn ("QazPATENT") basqardy. Bilimi - quqyq magıstri (LL.M.). Kolýmbııa ýnıversıtetinde oqyǵan.
Jańa laýazymǵa taǵaıyndalǵanǵa deıin Eýrazııalyq ekonomıkalyq komıssııa, Kásipkerlik qyzmetti damytý departamentiniń dırektory qyzmetin atqardy.
Oraıy kelgende aıta keteıik, Qýantyrov Ermek Sákenuly Ulttyq ekonomıka mınıstri Álibek Qýantyrovtyń týǵan aǵasy.
"Adyrna" ulttyq portaly
