“قاسيەتتى مەكەنگە بارامىز” دەپ نيەت ەتكەندەر “Zam-Zam Qazaqstan”-عا الدانىپ، سان سوعىپ قالعانىن حابارلاعان ەدىك.
قازاقستان رەسپۋبليكاسىنىڭ سىرتقى ىستەر مينيسترلىگىنىڭ مالىمەتىنشە جەرگىلىكتى پوليتسيادا 110-120 قر ازاماتى ۇستالعان.
5 پارىزدىڭ ءبىرىن وتەۋگە اتتانعانداردىڭ حال-جاعدايى تۋرالى سىرتقى ىستەر مينيسترلىگىنە رەداكتسيا تاراپىنان 2023 جىلدىڭ 28 ماۋسىمىندا ارنايى ساۋال جولدانعان ەدى. الايدا جۋرناليستىك سۇراققا 2 اپتادان كەيىن، 10 شىلدە ساعات 20:04-تە كەرى جاۋاپ كەلدى. مينيسترلىك جولداعان حاتتا:
“قازاقستان رەسپۋبليكاسىنىڭ سىرتقى ىستەر مينيسترلىگى جوعارىدا اتالعان ساۋالدى قاراستىرىپ, كەلەسىنى حابارلايدى.
ءۇ. ج. 27 ماۋسىمدا جيددا قالاسىنداعى قر باس كونسۋلدىقتىن قىزمەتكەرلەرىنە مەككە قالاسىندا قاجىلىقتى وتەۋ ءۇشىن ارنايى قاجىلىق ۆيزاسى بولماعاندىقتان جەرگىلىكتى پوليتسيامەن 110-120 قر ازاماتى ۇستالدى دەگەن حابار كەلدى.
باس كونسۋلدىقتىڭ قىزمەتكەرلەرى مەككە قالاسىنا جەدەل جەتىپ، قازاقستان ازاماتتارىنا قاجەتتى كونسۋلدىق-قۇقىقتىق كومەك كورسەتتى. ياعني, پوليتسيا بولىمىنە بارىپ، وتانداستارىمىزدى بوساتۋ بويىنشا پوليتسيا قىزمەتكەرلەرىمەن جۇمىس اتقاردى.
قازىرگى تاڭدا قيىن جاعدايعا تاپ بولعان بارلىق ازاماتتارىمىز ەلگە ورالدى”، - دەلىنگەن.
