ءتورت الماتىلىقتى ۇستاۋ كەزىندە ەكى پوليتسەي پىشاقتالىپ، اۋىر جاراقاتپەن اۋرۋحاناعا ءتۇستى، دەپ حابارلايدى Sputnik قازاقستانقالالىق پوليتسيا دەپارتامەنتىنىڭ ءباسپاسوز قىزمەتىنە سىلتەمە جاساپ.

قاسكويلەر ىزىنە تۇسكەن ناۋرىزباي اۋداندىق كريمينالدىق پوليتسيا ءبولىمىنىڭ ءىز كەسۋشىلەرىنىڭ ءبىرىن سول يىعىنان جاراقاتتاسا، ەكىنشىسىنىڭ كەۋدەسىنە، ودان سوڭ بالتىرىنا پىشاق سۇققان.

"جاراقات العان ءتارتىپ ساقشىلارى №7 قالالىق كلينيكالىق اۋرۋحاناعا بىردەن جەتكىزىلىپ، وتا جاسالدى. قازىرگى كەزدە ولاردىڭ ومىرىنە قاۋىپ ءتونىپ تۇرعان جوق، جاعدايى بىرقالىپتى", - دەيدى پوليتسياداعىلار.

پوليتسەيلەرگە قارسىلىق تانىتقان تورتەۋدىڭ ءبىرى "دەۋ نەكسيا" كولىگىن جالعا بەرۋشى. وعان "قوقان-لوقى كورسەتتى، اقشا بوپسالادى" دەگەن ايىپ تاعىلۋدا.

وسى ءىستى زەرتتەۋدى قولعا العان پوليتسيا قىزمەتكەرلەرى اقشا بوپسالاۋشىلاردى الداپ كەزدەسۋگە شاقىرادى. كەزدەسۋگە 4 جىگىت كەلەدى. وسى كەزدە ولار قارسىلىق كورسەتىپ، پوليتسەيلەردى پىشاقتاپ قاشادى.

"بۇل قىلمىستىق ءىستى اشۋ ءۇشىن قالادا "ۇستاۋ" جوسپارى جاريالاندى. ارنايى تەرگەۋ توبى قۇرىلدى. ناتيجەسىندە ولاردىڭ ەكەۋى ۇستالىپ، ەكەۋى ءالى ىزدەستىرىلىپ جاتىر. كۇدىكتىلەر ۋاقىتشا ۇستاۋ يزولياتورىنا توعىتىلدى. قر قىلمىستىق كودەكسىنىڭ 380-بابى، 1-تارماعى بويىنشا، ياعني "قۇقىق قورعاۋ ورگانى قىزمەتكەرلەرىنىڭ ومىرىنە قاۋىپ ءتوندىرۋ" فاكتىسى بويىنشا سوتقا دەيىنگى تەرگەۋ ءىسى قوزعالدى", - دەيدى پوليتسياداعىلار.