Tórt almatylyqty ustaý kezinde eki polıeı pyshaqtalyp, aýyr jaraqatpen aýrýhanaǵa tústi, dep habarlaıdy Sputnik Qazaqstanqalalyq polıııa departamentiniń baspasóz qyzmetine silteme jasap.

Qaskóıler izine túsken Naýryzbaı aýdandyq krımınaldyq polıııa bóliminiń iz kesýshileriniń birin sol ıyǵynan jaraqattasa, ekinshisiniń keýdesine, odan soń baltyryna pyshaq suqqan.

"Jaraqat alǵan tártip saqshylary №7 qalalyq klınıkalyq aýrýhanaǵa birden jetkizilip, ota jasaldy. Qazirgi kezde olardyń ómirine qaýip tónip turǵan joq, jaǵdaıy birqalypty", - deıdi polıııadaǵylar.

Polıeılerge qarsylyq tanytqan tórteýdiń biri "Deý Neksıa" kóligin jalǵa berýshi. Oǵan "qoqan-loqy kórsetti, aqsha bopsalady" degen aıyp taǵylýda.

Osy isti zertteýdi qolǵa alǵan polıııa qyzmetkerleri aqsha bopsalaýshylardy aldap kezdesýge shaqyrady. Kezdesýge 4 jigit keledi. Osy kezde olar qarsylyq kórsetip, polıeılerdi pyshaqtap qashady.

"Bul qylmystyq isti ashý úshin qalada "Ustaý" jospary jarııalandy. Arnaıy tergeý toby quryldy. Nátıjesinde olardyń ekeýi ustalyp, ekeýi áli izdestirilip jatyr. Kúdiktiler ýaqytsha ustaý ızolıatoryna toǵytyldy. QR Qylmystyq kodeksiniń 380-baby, 1-tarmaǵy boıynsha, ıaǵnı "Quqyq qorǵaý organy qyzmetkerleriniń ómirine qaýip tóndirý" faktisi boıynsha sotqa deıingi tergeý isi qozǵaldy", - deıdi polıııadaǵylar.