الماتىدا قىزداردى ۇرىپ-سوعىپ، جىنىستىق قۇلدىققا جەتەلەگەنى حابارلاندى. بۇل تۋرالى نەمولچيKZ قورىنان حابارلادى، دەپ جازادى "ادىرنا" ۇلتتىق پورتالى.
"اۋىلداردان كەلگەن جاس قىزداردى سەكس-قۇلدىققا وسىلاي تارتادى. الدىمەن ولاردى ۇرىپ-سوعىپ، قورقىتادى، سودان كەيىن زورلايدى، ۆيدەوعا تۇسىرەدى جانە ماسقارالايمىن دەپ قورقىتادى. ۇياتقا قالۋدان قورقىپ ءارى ۇرىپ-سوعىپ قورلانعان قىز ولاردان تالابىنان اسا الماي، ايتقانىنىڭ ءبارىن جاسايدى. سودان كەيىن مۇنداي قىزداردىڭ كوپشىلىگى پانەلدە بولادى", - دەلىنگەن بەينەروليكتىڭ جازۋىندا.
قازىرگى ۋاقىتتا الماتى پوليتسيا دەپارتامەنتى اتالعان فاكتى بويىنشا قىلمىستىق ءىستى المالى اۋداندىق پوليتسيا باسقارماسىدا تىركەپ، تەرگەپ جاتقانىن مالىمدەدى.
- وبەكتيۆتى جاعدايلار بەلگىلەنەدى. قازىرگى ۋاقىتتا قاجەتتى تەرگەۋ ارەكەتتەرى جۇرگىزىلۋدە. تەرگەۋ بارىسى الماتى پد باسشىلىعىنىڭ باقىلاۋىندا، دەپ مالىمدەدى باسقارما.
"ادىرنا" ۇلتتىق پورتالى
