استانادا ەلوردانىڭ 25 جىلدىعىنا وراي جارىق شوۋى ۇيىمداستىرىلىپ، جۇزدەگەن درون كوكتە قالقىدى. ءتۇرلى كورىنىستەردى بەينەلەپ، اسپاندى ەرەكشە نۇرعا بولەدى، دەپ حابارلايدى "ادىرنا" ۇلتتىق پورتالى tengrinewskz-كە سىلتەمە كورسەتە وتىرىپ.
⠀
ءتۇرلى-ءتۇستى كورىنىستەرمەن كوركەمدەلگەن ءىس-شارا 6 شىلدە كۇنى كەشكە تاۋەلسىزدىك داڭعىلىنداعى "قازاق ەلى" الاڭىندا ءوتتى.
⠀
دروندار اسپاندا كوزدىڭ جاۋىن الاتىن ءتۇرلى-ءتۇستى فيگۋرالاردى قالىپتاستىرىپ، تۇنگى اسپاندى قىزىقتى جارىق سپەكتاكلىنە اينالدىردى. درونداردىڭ ۇشۋ حورەوگرافياسى ەلوردانىڭ 25 جىلدىعىنا ارنالعان. تۇنگى اسپاندا استانانىڭ كورنەكتى نىساندارى جارىق شامدارىمەن كورسەتىلدى.
⠀
باعدارلاما شامامەن 12 مينۋتقا سوزىلدى. شوۋعا 500 درون قاتىستى. استانا اكىمى ءباسپاسوز حاتشىسى اقمارال ولجاباەۆانىڭ ايتۋىنشا، شوۋ دەمەۋشىلىك قاراجات ەسەبىنەن ۇيىمداستىرىلعان.
⠀
"ادىرنا" ۇلتتىق پورتالى
ۇقساس جاڭالىقتار
