ەلىمىزدە بيىل 99,8 مىڭ گەكتار كۇرىش ەگىلدى، بۇل وتكەن جىلعى كورسەتكىشتەن 12,4 مىڭ گەكتارعا ارتىق. وڭىرلەردىڭ بولىنىسىندە ەڭ ۇلكەن القاپ قىزىلوردا وبلىسىندا – 88,1 مىڭ گا، قالعان وبلىستاردا ەگىستىكتەر كەلەسىدەي ءبولىندى: الماتى وبلىسىندا 7 مىڭ گا، جەتىسۋدا 1 مىڭ گا، تۇركىستان وبلىسىندا 3,7 مىڭ گا.
جوسپارلانىپ وتىرعان ەگىندى جيناۋ قازاقستاندىق نارىقتىڭ قاجەتتىلىكتەرىن تولىعىمەن جابادى، سونداي-اق ەكسپورتقا قاجەتتى كولەمدى قامتاماسىز ەتەدى.
بۇگىنگى تاڭدا بىلتىرعى قالدىقتاردى قوسا ەسەپتەگەندە، كۇرىش جارماسىنىڭ قورى 60,4 مىڭ توننانى قۇرايدى. بۇل قىركۇيەكتە جاڭا ەگىن جينالعانعا دەيىن ىشكى تۇتىنۋ قاجەتتەرىن جابۋ ءۇشىن جەتكىلىكتى.
ايتا كەتەيىك، بيىل كۇرىشتى 2022 جىلمەن سالىستىرعاندا كوبىرەك جيناۋ جوسپارلانىپ وتىر. تيىسىنشە، جارمانىڭ تاپشىلىعىنا بايلانىستى باعانى وسىرۋگە وبەكتيۆتى سەبەپتەر جوق. الايدا، باعانىڭ وسۋىنە سىرتقى فاكتورلار اسەر ەتۋى مۇمكىن (باسقا ەلدەردەگى ەگىننىڭ بولماۋى، ەكسپورتتىڭ جوعارى سۇرانىسى جانە ت.ب.).
ماۋسىم ايىندا قىزىلوردادا الەۋمەتتىك ماڭىزى بار ازىق-تۇلىك تاۋارلارىنىڭ باعاسىن تۇراقتاندىرۋ ماسەلەلەرى بويىنشا رەسپۋبليكالىق كەڭەس وتكىزىلدى. ونىڭ قورىتىندىسى بويىنشا اكىمدىكتەر مەن اكك بەلگىلەنگەن باعامەن 6,7 مىڭ توننا كۇرىش جەتكىزۋگە كەلىسىم-شارتتار جاسادى. بۇل كولەم ەلىمىزدىڭ بارلىق وڭىرلەرىندەگى ءىرى ساۋدا جەلىلەرى، الەۋمەتتىك دۇكەندەر جانە اكك-ءنىڭ مەنشىكتى نۇكتەلەرى ارقىلى ساتىلاتىن بولادى.
