8 ساۋىردە پەكيندە قازاقستان ۇلتتىق قاۋىپسىزدىك كوميتەتىنىڭ توراعاسى كارىم ءماسىموۆ قىتاي ۆيتسە-پرەزيدەنتى ۆان تسيشانمەن كەزدەستى. بۇل تۋرالى قىتايدىڭ CCTV تەلەارناسىنا سىلتەمە جاساپ، Reuters اقپارات اگەنتتىگى حابارلادى.
ەكى تاراپ ء"بىر بەلدەۋ – ءبىر جول" جوباسىن جۇزەگە اسىرۋ جولدارىن تالقىلاعان.
ۆان ءتسيشاننىڭ ايتۋىنشا، قىتاي پرەزيدەنتى سي تسزينپين مەن قازاقستاننىڭ ءبىرىنشى پرەزيدەنتى نۇرسۇلتان نازارباەۆتىڭ ستراتەگيالىق جۇمىستارىنىڭ ارقاسىندا ەكى تاراپ تىعىز بايلانىس ورناتىپ، ء"بىر بەلدەۋ – ءبىر جول" جوباسىن بىرگە جۇزەگە اسىرۋدا جوعارى جەتىستىكتەرگە جەتتى.
ۆان قازاقستاننىڭ ۋاقىتشا پرەزيدەنتى قاسىم-جومارت توقاەۆتى "قىتاي حالقىنىڭ دوسى" دەدى.
قىتاي ۆيتسە-پرەزيدەنتىنىڭ پايىمداۋىنشا، ەكى ەلدىڭ ستراتەگيالىق بايلانىستارى الداعى ۋاقىتتا دا جالعاسىن تاۋىپ، ەكى حالىقتىڭ دامۋىنا سەپتىگىن تيگىزەدى.
كارىم ءماسىموۆ ەكى ەلدى ستراتەگيالىق سەرىكتەس دەپ اتادى. ونىڭ سوزىنشە، قىتايمەن بايلانىستى دامىتۋ – قازاقستاننىڭ سىرتقى ساياساتىنداعى نەگىزگى ماقساتتارىنىڭ ءبىرى.
ءماسىموۆتىڭ ايتۋىنشا، قازاقستان قىتايمەن قارىم-قاتىناستى ودان ءارى دامىتۋ ءۇشىن ء"بىر بەلدەۋ – ءبىر جول" جوباسىن جۇزۋگە اسىرۋعا دايىن.