پرەزيدەنت قاسىم-جومارت توقاەۆ قازاقستاننىڭ رەسەيدەگى جاڭادان تاعايىندالعان ەلشىسى داۋرەن اباەۆتى قابىلدادى، دەپ حابارلايدى "ادىرنا".
اقوردانىڭ حابارلاۋىنشا، كەزدەسۋ بارىسىندا مەملەكەت باسشىسى رەسەي فەدەراتسياسىمەن ستراتەگيالىق سەرىكتەستىكتى ودان ءارى نىعايتۋدىڭ اسا ماڭىزدى ەكەنىن اتاپ ءوتتى.
پرەزيدەنت ەكىجاقتى قارىم-قاتىناستى دامىتۋ جونىندە داۋرەن اباەۆقا بىرقاتار تاپسىرما بەردى.
ايتا كەتەيىك، اباەۆ بۇل قىزمەتكە 3 شىلدەدە تاعايىندالدى.
ول بۇرىن اقپارات جانە كوممۋنيكاتسيا ءمينيسترى، مادەنيەت جانە سپورت ءمينيسترى بولعان.
جاڭا ەلشى وسى ۋاقىتقا دەيىن بىرقاتار "وداعاي ويلارىمەن" ەل اۋزىنان تۇسپەي كەلگەن. قازاقستان پرەزيدەنتى اكىمشىلىگى جەتەكشىسىنىڭ ءبىرىنشى ورىنباسارى بولعان كەزىندە داۋرەن اباەۆ قازاقشا سويلەۋدى تالاپ ەتىپ جۇرگەن بەلسەندىلەر ارەكەتىن «جابايى ۇلتشىلدىق» دەپ اتاپ، كەلەكەلەپ ۇلگەردى.
مۇنداي ءسوزدى ول «قازاقستاندا ورىستارعا جەككورىنىش بارى» تۋرالى ايتىلعان ماسكەۋ مالىمدەمەسىنەن سوڭ ايتقان ەدى. اباەۆتىڭ بۇل ايتقانىن قازاق قوعامى قاتاڭ سىناعان. ونىڭ ماسكەۋگە ەلشى بولىپ تاعايىندالعانى دا وسى تۇرعىدان نازار اۋدارتىپ وتىر.
اباەۆ مادەنيەت جانە سپورت مينيسترلىگىن 2022 جىلدىڭ قاڭتارىنان 2023 جىلدىڭ قاڭتارىنا دەيىن باسقارعان. بۇعان دەيىن 2020 جىلدىڭ مامىر ايىنان باستاپ پرەزيدەنت اكىمشىلىگى باسشىسىنىڭ ءبىرىنشى ورىنباسارى بولعان، ودان بۇرىن، 2016 جىلدان باستاپ اقپارات جانە كوممۋنيكاتسيالار مينيسترلىگىن باسقارعان. ول سونداي-اق قازاقستان پرەزيدەنتى قىزمەتىن اتقارعان كەزدە نۇرسۇلتان نازارباەۆتىڭ ءباسپاسوز حاتشىسى (2011-2015) جانە كەڭەسشىسى (2013-2016) بولدى.
2023 جىلدىڭ ناۋرىزىنان باستاپ اباەۆ اتقارۋشى كوميتەتى بەلارۋس استاناسى مينسك قالاسىندا ورنالاسقان تمد باس حاتشىسىنىڭ ورىنباسارى قىزمەتىن اتقارىپ كەلگەن.
