داۋلەتبەك قۇسايىنوۆ جاڭا قىزمەتكە تاعايىندالدى، - دەپ حابارلايدى "ادىرنا" ءتىلشىسى اقورداعا سىلتەمە جاساپ.
"مەملەكەت باسشىسىنىڭ جارلىعىمەن داۋلەتبەك قايىربەكۇلى قۇسايىنوۆ قازاقستان رەسپۋبليكاسىنىڭ كاناداداعى توتەنشە جانە وكىلەتتى ەلشىسى بولىپ تاعايىندالدى، ول قازاقستان رەسپۋبليكاسى پرەزيدەنتى اكىمشىلىگىنىڭ سىرتقى ساياسات جانە حالىقارالىق بايلانىستار ءبولىمىنىڭ مەڭگەرۋشىسى لاۋازىمىنان بوساتىلدى", - دەلىنگەن حابارلامادا.
داۋلەتبەك قۇسايىنوۆ 1977 جىلى 17 مامىردا سولتۇستىك قازاقستان وبلىسىندا تۋعان.
ءبىلىمى: ش.ءۋاليحانوۆ اتىنداعى كوكشەتاۋ ۋنيۆەرسيتەتى (1998 جىلى); ەۋرازيا گۋمانيتارلىق ينستيتۋتى، ەكونوميكا جانە بيزنەس باكالاۆرى (2010 جىلى); ستيرلينگ ۋنيۆەرسيتەتى، ماگيستراتۋرا - ديپلوماتيا جانە قاۋىپسىزدىك (2016).
ەڭبەك ءوتىلى:
1998-1999 جىلدارى - ش.ءۋاليحانوۆ اتىنداعى كوكشەتاۋ ۋنيۆەرسيتەتىنىڭ نەمىس ءتىلى كافەدراسىنىڭ مۇعالىمى;
1999-2000 جىلدارى - قر قورشاعان ورتانى قورعاۋ مينيسترلىگىنىڭ تۇراقتى دامۋ ۇلتتىق ورتالىعىنىڭ كونسۋلتانتى;
2000-2004 جىلدارى - قر سىرتقى ىستەر مينيسترلىگىنىڭ كوپجاقتى ىنتىماقتاستىق دەپارتامەنتىنىڭ اتتاشەسى، ءۇشىنشى، ەكىنشى حاتشىسى;
2004-2008 جىلدارى - قازاقستان رەسپۋبليكاسىنىڭ بەلگيا كورولدىگىندەگى ەلشىلىگىنىڭ ءۇشىنشى حاتشىسى;
2008-2009 جىلدارى - قر يندۋستريا جانە ساۋدا مينيسترلىگىنىڭ ساۋدا كەلىسسوزدەرى دەپارتامەنتىنىڭ باسقارما باسشىسى;
2009-01.2014 جىلدارى - قر ءپا سىرتقى ساياسات ورتالىعىنىڭ كونسۋلتانتى، ينسپەكتورى، سەكتور مەڭگەرۋشىسى;
02.2014 جىلى - قر ءپا سىرتقى ساياسات ورتالىعى مەڭگەرۋشىسىنىڭ ورىنباسارى;
09.2014-03.2017 جىلدارى قازاقستان رەسپۋبليكاسىنىڭ ۇلىبريتانيا جانە سولتۇستىك يرلاندياداعى ەلشىلىگىنىڭ كەڭەسشى-ۋاكىلى;
03.2017-07.2019 جىلدارى - قازاقستان رەسپۋبليكاسىنىڭ اقش-تاعى ەلشىلىگىنىڭ كەڭەسشى-ۋاكىلى;
10.2019 جىلى بەرى - قر ءپا سىرتقى ساياسات جانە حالىقارالىق بايلانىستار ءبولىمىنىڭ مەڭگەرۋشىسى.
مەڭگەرگەن شەت تىلدەرى: اعىلشىن، نەمىس جانە گوللاند (باستاپقى دەڭگەي).
وتباسىلىق جاعدايى: ۇيلەنگەن، 3 بالاسى بار.
"ادىرنا" ۇلتتىق پورتالى
