كەلەشەكتە ۇلتتىق قازاق كۇرەسى حالىقارالىق وليمپيادا ويىندارىنىڭ باعدارلاماسىنا ەنۋى مۇمكىن. بۇگىندە بۇل باعىتتا كەلىسسىوزدەر ءجۇرىپ جاتىر. بۇل حاقىندا «قازاقستان بارىسى» قورىنىڭ رەسمي وكىلى دياس احمەتشارىپ باياندادى، دەپ حابارلايدى "ادىرنا" ۇلتتىق پورتالى.
قازاق كۇرەسىنىڭ كەلەشەگى جايىندا:
«قازاقستان بارىسى» ءتۋرنيرىن حالىقارالىق دەڭگەيگە شىعارۋ بويىنشا بۇگىنگە دەيىن ۇلتتىق سپورت تۇرلەرىن كەڭىنەن دارىپتەپ كەلەمىز. مىسالى، جاپوندىقتاردىڭ سۋمو كۇرەسى، تاتارلاردىڭ بەلدەسۋ كۇرەسى، ال بىزدە قازاق كۇرەسى بار. ءبىزدىڭ باستى ماقسات – قازاق كۇرەسىن وليمپيادا باعدارلاماسىنا ەنگىزۋ. بۇگىندە قازاق كۇرەسى ەلىمىزبەن قاتار الىس-جاقىن شەتەلدە تانىمال. «قازاقستان بارىسىنان» بولەك ەۋرازيا جانە الەم بارىسىن وتكىزىپ كەلەمىز»، - دەدى دياس احمەتشارىپ ەلوردادا وتكەن ءباسپاسوز ءماسليحاتىندا.ونىڭ ايتۋىنشا، قازاق كۇرەسىن حالىقارالىق ارەناعا شىعاراتىن ۋاقىت كەلدى. سونىمەن قاتار، دياس احمەتشارىپ قاي جىلعى وليمپيادا ويىندارىندا قازاق كۇرەسىنە جانكۇيەر بولا الاتىنىمىزدى بولجادى:
«قازىر بۇل باعىتتا جۇمىس ءجۇرىپ جاتىر. مۇمكىن 2028 جىلى، مۇمكىن 2032 جىلى بولىپ قالار»، - دەدى ول.
"ادىرنا" ۇلتتىق پورتالى
ۇقساس جاڭالىقتار
