“ىشكى ىستەر مينيسترلىگى جالعان كولىكتەردى تىركەگەن قىلمىستىق توپتاردى ۇستادى”، دەپ حابارلايدى “ادىرنا” ءتىلشىسى Polisia.kz سىلتەمە جاساي وتىرىپ.
ىشكى ىستەر مينيسترلىگىنىڭ ۇيىمداسقان قىلمىسقا قارسى كۇرەس بولىمشەسى شەتەلدەن اكەلىنگەن كولىكتەردى زاڭسىز تىركەۋمەن اينالىسقان قىلمىستىق توپتىڭ جولىن كەسۋ جانە قۇرىقتاۋ بويىنشا ماقساتتى جەدەل-ىزدەستىرۋ جانە تەرگەۋ ءىس-شارالارىن جۇرگىزگەن. ىزدەستىرۋ ناتيجەسىندە پوليتسيا قىزمەتكەرلەرى اقمولا وبلىسىندا جۇك كولىكتەرىن زاڭسىز تىركەگەن توپتى انىقتادى. قىلمىستىق توپ وتكەن جىلدىڭ اقپانىنان بيىلعى ءساۋىر ايىنا دەيىن جالعان تولەم تۇبىرتەكتەرىن پايدالانىپ، العاشقى مەملەكەتتىك تىركەۋگە 62 جۇك كولىگىن قازاقستاننىڭ تىركەۋىنە قويعانى انىقتالىپ وتىر. جۇك كولىكتەرىنىڭ ءاربىر بىرلىگى العاشقى مەملەكەتتىك تىركەۋدەن وتكەنى ءۇشىن رەسمي تولەم شامامەن 7-8 ميلليون تەڭگە بولۋى قاجەت. الدىن الا مالىمەت بويىنشا، مەملەكەتكە كەلتىرىلگەن شىعىننىڭ جالپى سوماسى شامامەن 500 ميلليون تەڭگەگە جەتكەن.
ۇقساس جاڭالىقتار
