كۇدىكتىلەر قىتايلىق بيزنەسمەننىڭ ايەلىنە حابارلاسىپ، 22,5 ميلليون تەڭگە تالاپ ەتكەن
الماتىدا قىتايدان كەلگەن بيزنەسمەندى ۇرلاپ كەتتى. تاۋلىككە جەتەر-جەتپەس ۋاقىت ىشىندە پوليتسيا شەتەل ازاماتىن قۇتقارعان، دەپ حابارلايدى "ادىرنا" پورتالى ىشكى ىستەر مينيسترلىگىنىڭ ءباسپاسوز قىزمەتىنە سىلتەمە جاساپ.
"قىلمىستى اشۋ ماقساتىندا الماتى قالاسى پوليتسيا دەپارتامەنتىندە جەدەل-تەرگەۋ توبى قۇرىلدى. العاشقى مينۋتتاردان باستاپ پوليتسەيلەر بارلىق قاجەتتى جەدەل جانە ارنايى ءىس-شارالاردى جۇرگىزدى. ناتيجەسىندە كۇدىكتىلەردىڭ كىم ەكەنى انىقتالدى", - دەلىنگەن حابارلامادا.
ءىىم اقپاراتىنشا، ءسال كەيىنىرەك پوليتسيانىڭ جەدەل قىزمەتتەرى ارنايى ءبولىنىس جاۋىنگەرلەرىمەن ۇرلانعان ادامدى قۇتقارۋ وپەراتسياسىن جۇرگىزگەن. كۇدىكتىلەر ۇستالىپ، قاماۋعا الىندى. تەرگەۋ امالدارى ءجۇرىپ جاتىر. قازىر كۇدىكتىلەردىڭ وزگە قىلمىسقا قاتىسى بار-جوعى تەكسەرىلۋدە.
"قازاقستان ۇكىمەتىنە، ىشكى ىستەر مينيسترىنە، الماتى پوليتسەيلەرىنە مەنى قۇتقارعانى ءۇشىن ۇلكەن العىسىمدى ايتامىن. ءىستىڭ وسىلاي تەز شەشىلگەنىنە قۋانىشتىمىن. قىتاي ەلشىلىگىنە دە العىسىمدى بىلدىرەمىن. قازاقستانعا مىندەتتى تۇردە تاعى كەلەمىن. مۇندا ادامداردىڭ قاۋىپسىزدىگى ءبىرىنشى ورىندا تۇرعانىنا كوزىم جەتتى", - دەپ ريزاشىلىعىن ءبىلدىردى بيزنەسمەن.
قىتايدىڭ قازاقستانداعى توتەنشە جانە وكىلەتتى ەلشىسى چجان سياو ىشكى ىستەر مينيسترلىگىنە ارنايى كەلىپ، مينيستر مەن بارلىق پوليتسەيگەۇرلانعان قىتايلىق بيزنەسمەندى قۇتقارعانى ءۇشىن العىس ايتتى.
