الماتى اۋرۋحاناسىنىڭ ناۋقاستارى جيتس ىندەتىن جۇقتىرعان، - دەپ حابارلايدى "ادىرنا" ءتىلشىسى قالالىق قوعامدىق دەنساۋلىق ساقتاۋ باسقارماسىنا سىلتەمە جاساپ.
"الماتى جيتس ورتالىعىنىڭ ماماندارى الماتى قالاسىنىڭ ورتالىق قالالىق كلينيكالىق اۋرۋحاناسىندا جيتس جۇقتىرعان ءۇش جاعدايدى انىقتادى. انىقتالعان فاكتىلەر بويىنشا قوعامدىق دەنساۋلىق ساقتاۋ دەپارتامەنتىنىڭ بۇيرىعىمەن 2 ماۋسىمدا كوميسسيا قۇرىلدى. قوعامدىق دەنساۋلىق ساقتاۋ باسقارماسى باسشىسىنىڭ ورىنباسارى مەن الماتى جيتس ورتالىعىنىڭ قىزمەتكەرلەرىمەن ينفەكتسياسىنىڭ تارالۋ كوزدەرىن انىقتاۋ ماقساتىندا قىزمەتتىك تەكسەرۋ جۇرگىزىپ، دونورلار، مەديتسينا قىزمەتكەرلەرى مەن بايلانىستا بولعان ادامدار تەكسەرىلدى", - دەلىنگەن حابارلامادا.كوميسسيا جۇمىسىنىڭ قورىتىندىسى بويىنشا تەكسەرىلگەندەردىڭ بارلىعىندا تالداۋدىڭ تەرىس ناتيجەسى بار ەكەنى راستالدى. دەنساۋلىق ساقتاۋ مينيسترلىگىنىڭ بۇيرىعى نەگىزىندە 13 ماۋسىمدا كوميسسيانىڭ قورىتىندىسى الماتى قالالىق سانيتارلىق-ەپيدەميولوگيالىق باقىلاۋ دەپارتامەنتىنە بەرىلدى. 2023 جىلدىڭ 14 ماۋسىمىندا دەنساۋلىق ساقتاۋ مينيسترلىگىنىڭ تەرى جانە جۇقپالى اۋرۋلار عىلىمي ورتالىعىنىڭ ماماندارىن تارتا وتىرىپ، ورتالىق كلينيكالىق اۋرۋحانانى جوسپاردان تىس تەكسەرۋدى باستادى. تەكسەرۋ قورىتىندىسى بويىنشا ۋاكىلەتتى ورگاندار ءتيىستى شارالاردى قابىلدايدى. 2020 جىلى بۇل اۋرۋحاناعا بايلانىستى كوپتەگەن جانجالدار بولعان. اۋرۋحانا قىزمەتكەرلەرى كوروناۆيرۋس جۇقتىرعان. ودان كەيىن اۋرۋحانانىڭ 147 قىزمەتكەرىندە اۋرۋ راستالعان. وسىعان بايلانىستى الماتى ورتالىق قالالىق كلينيكالىق اۋرۋحاناسىنىڭ باس دارىگەرى الماز دجۋۆاشەۆ قىزمەتىنەن بوساتىلعان.
"ادىرنا" ۇلتتىق پورتالى
ۇقساس جاڭالىقتار
