Almaty aýrýhanasynyń naýqastary JITS indetin juqtyrǵan, - dep habarlaıdy "Adyrna" tilshisi qalalyq qoǵamdyq densaýlyq saqtaý basqarmasyna silteme jasap.
"Almaty JITS ortalyǵynyń mamandary Almaty qalasynyń Ortalyq qalalyq klınıkalyq aýrýhanasynda JITS juqtyrǵan úsh jaǵdaıdy anyqtady. Anyqtalǵan faktiler boıynsha Qoǵamdyq densaýlyq saqtaý departamentiniń buıryǵymen 2 maýsymda komıssııa quryldy. Qoǵamdyq densaýlyq saqtaý basqarmasy basshysynyń orynbasary men Almaty JITS ortalyǵynyń qyzmetkerlerimen ınfekııasynyń taralý kózderin anyqtaý maqsatynda qyzmettik tekserý júrgizip, donorlar, medıına qyzmetkerleri men baılanysta bolǵan adamdar tekserildi", - delingen habarlamada.
Komıssııa jumysynyń qorytyndysy boıynsha tekserilgenderdiń barlyǵynda taldaýdyń teris nátıjesi bar ekeni rastaldy.
Densaýlyq saqtaý mınıstrliginiń buıryǵy negizinde 13 maýsymda komıssııanyń qorytyndysy Almaty qalalyq sanıtarlyq-epıdemıologııalyq baqylaý departamentine berildi. 2023 jyldyń 14 maýsymynda Densaýlyq saqtaý mınıstrliginiń teri jáne juqpaly aýrýlar ǵylymı ortalyǵynyń mamandaryn tarta otyryp, Ortalyq klınıkalyq aýrýhanany jospardan tys tekserýdi bastady.
Tekserý qorytyndysy boıynsha ýákiletti organdar tıisti sharalardy qabyldaıdy.
2020 jyly bul aýrýhanaǵa baılanysty kóptegen janjaldar bolǵan. Aýrýhana qyzmetkerleri koronavırýs juqtyrǵan. Odan keıin aýrýhananyń 147 qyzmetkerinde aýrý rastalǵan. Osyǵan baılanysty Almaty ortalyq qalalyq klınıkalyq aýrýhanasynyń bas dárigeri Almaz Djývashev qyzmetinen bosatylǵan.
"Adyrna" ulttyq portaly
