Almaty auruhanasynyŋ nauqastary JİTS ındetın jūqtyrǧan, - dep habarlaidy "Adyrna" tılşısı qalalyq qoǧamdyq densaulyq saqtau basqarmasyna sılteme jasap.
"Almaty JİTS ortalyǧynyŋ mamandary Almaty qalasynyŋ Ortalyq qalalyq klinikalyq auruhanasynda JİTS jūqtyrǧan üş jaǧdaidy anyqtady. Anyqtalǧan faktıler boiynşa Qoǧamdyq densaulyq saqtau departamentınıŋ būiryǧymen 2 mausymda komissiia qūryldy. Qoǧamdyq densaulyq saqtau basqarmasy basşysynyŋ orynbasary men Almaty JİTS ortalyǧynyŋ qyzmetkerlerımen infeksiiasynyŋ taralu közderın anyqtau maqsatynda qyzmettık tekseru jürgızıp, donorlar, medisina qyzmetkerlerı men bailanysta bolǧan adamdar tekserıldı", - delıngen habarlamada.Komissiia jūmysynyŋ qorytyndysy boiynşa tekserılgenderdıŋ barlyǧynda taldaudyŋ terıs nätijesı bar ekenı rastaldy. Densaulyq saqtau ministrlıgınıŋ būiryǧy negızınde 13 mausymda komissiianyŋ qorytyndysy Almaty qalalyq sanitarlyq-epidemiologiialyq baqylau departamentıne berıldı. 2023 jyldyŋ 14 mausymynda Densaulyq saqtau ministrlıgınıŋ terı jäne jūqpaly aurular ǧylymi ortalyǧynyŋ mamandaryn tarta otyryp, Ortalyq klinikalyq auruhanany jospardan tys tekserudı bastady. Tekseru qorytyndysy boiynşa uäkılettı organdar tiıstı şaralardy qabyldaidy. 2020 jyly būl auruhanaǧa bailanysty köptegen janjaldar bolǧan. Auruhana qyzmetkerlerı koronavirus jūqtyrǧan. Odan keiın auruhananyŋ 147 qyzmetkerınde auru rastalǧan. Osyǧan bailanysty Almaty ortalyq qalalyq klinikalyq auruhanasynyŋ bas därıgerı Almaz Djuvaşev qyzmetınen bosatylǧan.
"Adyrna" ūlttyq portaly
Ūqsas jaŋalyqtar
