مەملەكەت باسشىسى قاسىم-جومارت توقاەۆ وزبەكستان پرەزيدەنتى شاۆكات ميرزيوەۆپەن تەلەفون ارقىلى سويلەستى، دەپ حابارلايدى “ادىرنا” ءتىلشىسى اقورداعا سىلتەمە جاساپ.
وزبەكستان پرەزيدەنتى شاۆكات ميرزيوەۆ پەن قازاقستان پرەزيدەنتى قاسىم-جومارت توقاەۆ تەلەفون ارقىلى سويلەستى.
قوڭىراۋ بارىسىندا وزبەكستان باسشىسى اباي وبلىسىنداعى ءورت سالدارىنان ادامداردىڭ قازا تابۋىنا بايلانىستى مەملەكەت باسشىسىنا جانە قازاق حالقىنا كوڭىل ايتتى. شاۆكات ميرزيوەۆ قازا تاپقان ازاماتتاردىڭ وتباسىلارىنىڭ قايعىسىنا ورتاق ەكەنىن جەتكىزدى.
كورشىلەس ەكى ەل باسشىلارى ستراتەگيالىق سەرىكتەستىك پەن ىنتىماقتاستىقتى ودان ءارى نىعايتۋعا نيەتتى ەكەنىن راستاپ، الەمدەگى قازىرگى جاعداي تۋرالى ءوزارا پىكىر الماستى.
ۇقساس جاڭالىقتار
