قازاقستان رەسپۋبليكاسىنىڭ پرەزيدەنتى قاسىم-جومارت توقاەۆتىڭ جارلىعىمەن مارات ءتاجين قر مەملەكەتتىك حاتشىسى بولىپ تاعايىندالدى، دەپ حابارلايدى قازاقپارات اقوردانىڭ ءباسپاسوز قىزمەتىنە سىلتەمە جاساپ.
«مارات مۇحانبەتقازىۇلى ءتاجين قازاقستان رەسپۋبليكاسىنىڭ مەملەكەتتىك حاتشىسى بولىپ تاعايىندالسىن، ول قازاقستان رەسپۋبليكاسى پرەزيدەنتىنىڭ اكىمشىلىگى باسشىسىنىڭ ءبىرىنشى ورىنباسارى قىزمەتىنەن بوساتىلسىن»، - دەلىنگەن قۇجاتتا. مارات مۇحانبەتقازىۇلى 1960 جىلى دۇنيەگە كەلگەن. سوتسيولوگيالىق عىلىمدار دوكتورى، پروفەسسور، قر الەۋمەتتىك عىلىم اكادەمياسىنىڭ اكادەميگى، رەسەي الەۋمەتتىك عىلىم اكادەمياسىنىڭ اكادەميگى، قر ساياسي عىلىم اكادەمياسىنىڭ اكادەميگى. قر پرەزيدەنتى اكىمشىلىگى باسشىسىنىڭ ورىنباسارى - تالداۋ جانە ستراتەگيالىق زەرتتەۋ ورتالىعىنىڭ باسشىسى، پرەزيدەنتتىڭ ۇلتتىق قاۋىپسىزدىك جونىندەگى كومەكشىسى - قر قاۋىپسىزدىك كەڭەسىنىڭ حاتشىسى، ۇقك توراعاسى، پرەزيدەنتى اكىمشىلىگى باسشىسىنىڭ ءبىرىنشى ورىنباسارى، پرەزيدەنتى اكىمشىلىگى باسشىسىنىڭ ءبىرىنشى ورىنباسارى - ىشكى ساياسات باسقارماسىنىڭ باستىعى، قر سىرتقى ىستەر ءمينيسترى، قر مەملەكەتتىك حاتشىسى، قازاقستاننىڭ رەسەيدەگى ەلشىسى قىزمەتتەرىن اتقارعان. 1-ءشى دارەجەلى «بارىس»، «قۇرمەت» وردەندەرىمەن ماراپاتتالعان.
