جوعالعان ازامات جەتىسۋ تاۋىنداعى بۇرحان بۇلاق سارقىراماسىنان 12 كم قاشىقتىقتا تابىلدى، دەپ حابارلايدى "ادىرنا" ۇلتتىق پورتالى توتەنشە جاعدايلار مينيسترلىگىنە سىلتەمە جاساپ.
جەتىسۋ وبلىسىنىڭ تاۋلارىندا جوعالىپ كەتكەن تيكتوكەر تابىلدى.
"7 ماۋسىمدا ساعات 18:50-دە جەتىسۋ وبلىسى تجد كەزەكشى بايلانىس پۋلتىنە 1986 جىلى تۋعان ەر ادامنىڭ 6 ماۋسىم ساعات 15:00 شاماسىندا ەسكەلدى اۋدانىنىڭ تاۋلارىندا ورنالاسقان بۇرقان بۇلاق سارقىراماسىنا قاراي ۆەلوسيپەدپەن كەتكەنى تۋرالى حابارلاما كەلىپ ءتۇستى. ەر ادام – Tik-Tok الەۋمەتتىك جەلىسىندە ءوز بلوگىن جۇرگىزەتىن ساياحاتشى، الماتى قالاسىنىڭ تۇرعىنى.
"ىزدەستىرۋ-قۇتقارۋ جۇمىستارى قارابۇلاق اۋىلىنان 40 شاقىرىم جەردە، قورىن شاتقالى مەن بۇرحان بۇلاق سارقىراماسى اۋداندارىندا جۇرگىزىلدى.
جەدەل جۇرگىزىلگەن اۆاريالىق-قۇتقارۋ جۇمىستارىنىڭ ارقاسىندا ەر ادامدى ساعات 12:00-دە جەتىسۋ وبلىسى تجد قۇتقارۋشىلار توبى بۇرحان بۇلاق سارقىراماسىنان 12 كم قاشىقتىقتا تاپتى. وعان مەديتسينالىق كومەك قاجەت بولعان جوق.
ىزدەستىرۋ جۇمىستارىن جۇرگىزۋگە تجد-دان 12 قىزمەتكەر مەن 4 تەحنيكا، كينولوگيالىق ەسەپ، اۋداندىق پوليتسيا ءبولىمىنىڭ 2 قىزمەتكەرى مەن 1 تەحنيكاسى جۇمىلدىرىلدى", - دەلىنگەن تجم مالىمەتىندە.
ەسكە سالايىق، بۇعان دەيىن 36 جاستاعى دامير كۋشەەۆ ىزدەستىرىلىپ جاتقانى تۋرالى جازعان بولاتىنبىز.
"ادىرنا" ۇلتتىق پورتالى
