Joǵalǵan azamat Jetisý taýyndaǵy Burhan bulaq sarqyramasynan 12 km qashyqtyqta tabyldy, dep habarlaıdy "Adyrna" ulttyq portaly Tótenshe jaǵdaılar mınıstrligine silteme jasap.
Jetisý oblysynyń taýlarynda joǵalyp ketken tıktoker tabyldy.
"7 maýsymda saǵat 18:50-de Jetisý oblysy TJD kezekshi baılanys pýltine 1986 jyly týǵan er adamnyń 6 maýsym saǵat 15:00 shamasynda Eskeldi aýdanynyń taýlarynda ornalasqan Burqan bulaq sarqyramasyna qaraı velosıpedpen ketkeni týraly habarlama kelip tústi. Er adam – Tik-Tok áleýmettik jelisinde óz blogyn júrgizetin saıahatshy, Almaty qalasynyń turǵyny.
"Izdestirý-qutqarý jumystary Qarabulaq aýylynan 40 shaqyrym jerde, Qoryn shatqaly men Burhan bulaq sarqyramasy aýdandarynda júrgizildi.
Jedel júrgizilgen avarııalyq-qutqarý jumystarynyń arqasynda er adamdy saǵat 12:00-de Jetisý oblysy TJD qutqarýshylar toby Burhan bulaq sarqyramasynan 12 km qashyqtyqta tapty. Oǵan medıınalyq kómek qajet bolǵan joq.
Izdestirý jumystaryn júrgizýge TJD-dan 12 qyzmetker men 4 tehnıka, kınologııalyq esep, aýdandyq polıııa bóliminiń 2 qyzmetkeri men 1 tehnıkasy jumyldyryldy", - delingen TJM málimetinde.
Eske salaıyq, buǵan deıin 36 jastaǵy Damır Kýsheev izdestirilip jatqany týraly jazǵan bolatynbyz.
"Adyrna" ulttyq portaly
