قازاقستاندا جۇمىسسىزداردىڭ شىنايى كورسەتكىشى ستاتيستيكالىق دەرەكتەن الدەقايدا الشاق، دەيدى ماجىلىستەگى «AMANAT» فراكتسياسىنىڭ جەتەكشىسى ەلنۇر بەيسەنباەۆ.
ونىڭ سوزىنشە تاۋەلسىز ساراپتاما قورىتىندىسى جۇمىسسىزدىقتىڭ ەكى ەسەگە جوعارى ەكەنىن انىقتاعان.
«جۇمىسسىزدىق دەڭگەيى كەيىنگى 5 جىلدا 5% شاماسىندا ساقتالىپ وتىر. بۇل كورسەتكىشكە ەشكىمنىڭ سەنبەيتىنى انىق. الايدا، تاۋەلسىز ساراپشىلاردىڭ باعالاۋى بويىنشا، قازاقستانداعى جۇمىسسىزدىقتىڭ شىنايى دەڭگەيى 9-10%-دان كەم ەمەس. بۇل – كەمى 900 مىڭ ادام دەگەن ءسوز، ياعني ەكى ەسەگە كوپ. ال بيۋدجەتتەن بولىنەتىن قارجى تەك ۋاقىتشا جۇمىس ورىندارىن اشۋعا، ونىڭ ىشىندە الەۋمەتتىك-ەكونوميكالىق تيىمدىلىكتى ساقتاۋ ءۇشىن جۇمسالىپ وتىر»، - دەپ اتاپ ءوتتى دەپۋتات.
ول سونداي-اق، حالىقتىڭ تۇرمىسى تومەندەگەنىن، ازىق-تۇلىك كەرىسىنشە قىمباتتاعانىن ايتىپ، ۇكىمەتتەن وعان قارسى شارا قولدانۋدى تالاپ ەتتى.
«حالىقتىڭ نەسيە الۋ دەڭگەيى دە وتە جوعارى. مىسالى 2022 جىلى تۇتىنۋشىلىق نەسيە – 30 پروتسەنتكە، ياعني 13,2 ترلن تەڭگەگە دەيىن ءوستى. بۇل بيۋدجەتكە تۇسەتىن سالىقتىق تۇسىمدەرمەن شامالاس قاراجات. ياعني، اتالعان كورسەتكىش – حالىقتىڭ تولەم قابىلەتىنىڭ تومەندەۋىنىڭ كورسەتكىشى»، - دەدى ول.
پوسموترەت ەتۋ پۋبليكاتسيۋ ۆ Instagram
"ادىرنا" ۇلتتىق پورتالى