تۇركيا پرەزيدەنتى بولىپ قايتا سايلانعان رەجەپ تايىپ ەردوعان ەل ۇكىمەتىنىڭ قۇرامىن تۇگەلدەي دەرلىك جاڭارتتى، دەپ حابارلايدى "ادىرنا" ۇلتتىق پورتالى «انادولىعا» سىلتەمە جاساپ.
تۇركيا پرەزيدەنتى 17 ءمينيستردىڭ 15-ءسىن لاۋازىمىنان الىپ تاستادى. سونىمەن، تۇركيانىڭ جاڭا ۆيتسە-پرەزيدەنتى بولىپ دجەۆدەت يىلماز تاعايىندالدى، تۇرىك ءسىم باسشىسى حاكان فيدان بولدى، ول بۇرىن ۇلتتىق بارلاۋ ۇيىمىنىڭ (MIT) باسشىسى، ىشكى ىستەر ءمينيسترى - ىستامبۇل پروۆينتسياسىنىڭ بۇرىنعى گۋبەرناتورى الي ەرليكاي. قورعانىس ءمينيسترى بولىپ بۇرىن ەل قك باس شتابىنىڭ باستىعى قىزمەتىن اتقارعان ياشار گيۋلەر تاعايىندالدى.
قازىناشىلىق جانە قارجى ءمينيسترى مەحمەت شيمشەك، ادىلەت مينيسترلىگىنىڭ باسشىسى - يىلماز تۋنچ بولدى. قورشاعان ورتانى قورعاۋ ءمينيسترى لاۋازىمىنا مەحمەت وزحاسەكي تاعايىندالدى، الپارسلان بايراكتار ەنەرگەتيكا مينيسترلىگىنىڭ باسشىسى بولىپ تاعايىندالدى.
17 ءمينيستردىڭ تەك ەكەۋى قىزمەتىندە قالدى. ول دەنساۋلىق ساقتاۋ ءمينيسترى فاحرەتتين كودجا مەن مادەنيەت جانە تۋريزم ءمينيسترى مەحمەت نۋري ەرسوي.
"ادىرنا" ۇلتتىق پورتالى
