سىبايلاس جەمقورلىققا قارسى قىزمەت قر مادەنيەت جانە سپورت مينيسترلىگىنىڭ لاۋازىمدى تۇلعالارىنا قاتىستى بىرقاتار قىلمىستىق ءىستى تەرگەپ جاتىر، دەپ حابارلايدى "ادىرنا"پورتالى.
«انتيكوردى» داۋرەن اباەۆ مادەنيەت جانە سپورت ءمينيسترى بولعان كەزەڭ قىزىقتىردى، ەندى 2022 جىلى «ەۋرازيا» حالىقارالىق كينوفەستيۆالىن وتكىزۋ قانشالىقتى زاڭدى جۇزەگە اسقانى تەكسەرىلۋدە.
«قازاقستان رەسپۋبليكاسىنىڭ سىبايلاس جەمقورلىققا قارسى ءىس-قيمىل اگەنتتىگى قر مادەنيەت جانە سپورت مينيسترلىگىنىڭ لاۋازىمدى تۇلعالارىنا قاتىستى بىرقاتار قىلمىستىق ىستەردى تەرگەپ جاتىر»، - دەپ جاۋاپ بەردى سوتقا دەيىنگى تەرگەۋ قىزمەتىنىڭ باسشىسى قانات سۇلەيمەنوۆ.
اباەۆ مادەنيەت جانە سپورت مينيسترلىگىن 2022 جىلدىڭ قاڭتارىنان 2023 جىلدىڭ قاڭتارىنا دەيىن باسقاردى. بۇعان دەيىن 2020 جىلدىڭ مامىر ايىنان باستاپ پرەزيدەنت اكىمشىلىگى باسشىسىنىڭ ءبىرىنشى ورىنباسارى بولعان، ودان بۇرىن، 2016 جىلدان باستاپ اقپارات جانە كوممۋنيكاتسيالار مينيسترلىگىن باسقارعان. ول سونداي-اق قازاقستان پرەزيدەنتى قىزمەتىن اتقارعان كەزدە نۇرسۇلتان نازارباەۆتىڭ ءباسپاسوز حاتشىسى (2011-2015) جانە كەڭەسشىسى (2013-2016) بولدى.
2023 جىلدىڭ ناۋرىزىنان باستاپ اباەۆ اتقارۋشى كوميتەتى بەلارۋس استاناسى مينسك قالاسىندا ورنالاسقان تمد باس حاتشىسىنىڭ ورىنباسارى بولدى.
ەسكە سالايىق، 2022 جىلدىڭ 5 جەلتوقسانىندا قازاقستاندىق رەجيسسەرلەر «ەۋرازيا» كينوفەستيۆالىن وتكىزۋدىڭ «ادىستەرىنە» الاڭداۋشىلىق بىلدىرگەنى بەلگىلى بولدى. ولار كينوفەستيۆال بويىنشا كورسەتىلەتىن قىزمەتتەردى مەملەكەتتىك ساتىپ الۋ كونكۋرسىن وتكىزۋدىڭ زاڭدىلىعىنا كۇمان كەلتىردى.
"ادىرنا" ۇلتتىق پورتالى
