نازارباەۆ ۋنيۆەرسيتەتى شيگەو كاتسۋدىڭ وتستاۆكاعا كەتكەنىن جانە پرەزيدەنت مىندەتىن اتقارۋشىنىڭ تاعايىندالعانىن حابارلادى، - دەپ حابارلايدى "ادىرنا" پورتالى.
ۋنيۆەرسيتەتتىڭ مالىمەتىنشە، شيگەو كاتسۋدىڭ وتستاۆكاعا كەتۋى 15 ماۋسىمدا كۇشىنە ەنەدى.
"13 جىلعا جۋىق قىزمەت وتكەرگەننەن كەيىن پرەزيدەنت كاتسۋ ءوز قىزمەتىنەن كەتۋ تۋرالى باستاما كوتەردى. ۋنيۆەرسيتەت قاۋىمداستىعى پرەزيدەنت كاتسۋعا نازارباەۆ ۋنيۆەرسيتەتىنىڭ الەمدىك دەڭگەيدەگى العاشقى زەرتتەۋ بولۋىنا كومەكتەسكەن كورنەكتى كورەگەندىگى مەن ءتيىمدى كوشباسشىلىعى ءۇشىن ۇلكەن ريزاشىلىعىن بىلدىرەدى»، - دەلىنگەن حابارلامادا.
شيگەو كاتسۋ پرەزيدەنتتىك قىزمەتتەن كەتكەننەن كەيىن نازارباەۆ ۋنيۆەرسيتەتىنىڭ قامقورشىلىق كەڭەسىنىڭ مۇشەسى بولىپ قالاتىنى حابارلاندى. ول سونداي-اق نازارباەۆ زياتكەرلىك مەكتەپتەرىنىڭ، نازارباەۆ قورىنىڭ قامقورشىلىق كەڭەسىنىڭ مۇشەسى جانە جوعارعى قامقورشىلىق كەڭەسىنىڭ مۇشەسى قىزمەتىن جالعاستىرادى. شيگەو كاتسۋ ۋنيۆەرسيتەت پرەزيدەنتىنىڭ مىندەتىن اتقارۋشىنىڭ كەڭەسشىسى قىزمەتىن دە اتقارادى.
يلەسانمي ادەسيدا ۋنيۆەرسيتەت پرەزيدەنتى قىزمەتىن اتقارادى.
يلەسانمي ادەسيدا. فوتو نازارباەۆ ۋنيۆەرسيتەتىنىڭ ءباسپاسوز قىزمەتى
ۋنيۆەرسيتەتكە كەلگەنگە دەيىن ۋربانا-شامپەيندەگى يللينويس ۋنيۆەرسيتەتىنىڭ (UIUC) پروۆوست جانە ۆيتسە-كانتسلەرى قىزمەتىن اتقاردى. ول سونىمەن قاتار ينجەنەرلىك كوللەدجدىڭ دەكانى، ميكرو جانە نانوتەحنولوگيالار زەرتحاناسىنىڭ ديرەكتورى جانە دونالد بيگگار ۋيللەتت ينجەنەريا پروفەسسورى بولدى. ول اقش ۇلتتىق ينجەنەرلىك اكادەمياسىنىڭ مۇشەسى.
"ادىرنا" ۇلتتىق پورتالى
