جەلىدە كەربۇلاق اۋداندىق سوت توراعاسىنىڭ مەملەكەتتىك ءنومىرسىز جۇرگەن ۆيدەوسى تارادى، دەپ جازادى "ادىرنا" پورتالى. ۆيدەو بەلسەندى جەلى قولدانۋشىسى قۇرمەت تالاپقازىنىڭ پاراقشاسىندا جاريالاندى.
ۆيدەو اۆتورى مۇراتبەك ەسىمدى ازاماتتىڭ ايتۋىنشا كەربۇلاق اۋداندىق سوتىنىڭ توراعاسى (مارات جۋكەنوۆ - رەد.) مەملەكەتتىك ءنومىرسىز جولعا شىققان. ءمان-جايدى سۇراۋ ماقساتىندا جانىنا بارعانىندا، سوت مىرزا قاشىپ كەتكەن.
اۆتور سوت توراعاسىنىڭ ارتىنان قۋالاپ، ۇيىنە دەيىن باردى. وقيعا ورنىنا پوليتسيا قىزمەتكەرلەرىن شاقىرىپ، زاڭ بۇزۋشىعا قاتىستى ءتيىستى شارا قولدانۋىن سۇرادى.
"180 مەن باستى. ۇيىنە دەيىن قۋىپ كەلدىم. مەندە بارلىق ۆيدەوسى بار. قاشىپ كەتكەنىنە قاراعاندا ءىشىپ العان سەكىلدى. ءتيىستى شارا قولدانساڭىزدار. زاڭ بارىنە ورتاق" دەدى ۆيدەو اۆتورى.
جەلىدە تاراعان ۆيدەوعا كوپشىلىك تۇرلىشە پىكىر بىلدىرۋدە. ءبىرى ءىستى اياعىنا دەيىن قۋدالاعان مۇراتبەك ەسىمدى ازاماتتىڭ ءىسىن سىناپ، "نەسى بار" دەسە، ەندى ءبىرى "زاڭ بارىنە بىردەي", "دۇرىس جاسادى" دەپ جارىسا جازۋدا.
پوسموترەت ەتۋ پۋبليكاتسيۋ ۆ Instagram
