تۇركيانىڭ ۇكىمەتشىل Anadolu اگەنتتىگى مەن وپپوزيتسيالىق Anka اگەنتتىگى تۇركياداعى پرەزيدەنت سايلاۋىنىڭ ەكىنشى تۋرىنداعى داۋىس بەرۋدىڭ العاشقى ناتيجەلەرىن جاريالادى، - دەپ حابارلايدى "ادىرنا" ءتىلشىسى "تۇركيا داۋىسى" telegram ارناسىنا سىلتەمە جاساپ.
وسىلايشا، Anadolu حابارلاۋىنشا، داۋىس بەرۋ جاشىكتەرىنىڭ 71,45 پايىزىنان الىنعان بيۋللەتەندەردى ساناعاننان كەيىن ەردوعان 54,37 پايىز، قىلىچداروعلى 45,63 پايىز جيناپ وتىر.
انكا اگەنتتىگىنىڭ مالىمەتىنشە، ەكىنشى تۋردا قىلىچداروعلى 700 مىڭعا جۋىق داۋىسپەن (شامامەن 2 پايىز) الدا كەلەدى.
تۇركياداعى پرەزيدەنتتىك سايلاۋدىڭ ەكىنشى تۋرىنا سايلاۋشىلاردىڭ قاتىسۋى 84-85 پايىز بولۋى مۇمكىن. ءبىرىنشى تۋردا سايلاۋشىلاردىڭ 88,92 پايىزى قاتىسقان.
شەتەلدە تۇراتىن ەل ازاماتتارىنا داۋىس بەرۋ 24 مامىردا اياقتالدى. 73 ەلدەگى سايلاۋعا بارلىعى 3,5 ميلليون سايلاۋشى قاتىستى.
تۇركيادا پرەزيدەنت سايلاۋىنىڭ ەكىنشى كەزەڭى جەكسەنبى كۇنى كەشكە اياقتالدى. قازىرگى مەملەكەت باسشىسى ىستامبۇلدان انكاراعا كەلىپ، سايلاۋدا جەڭىسكە جەتكەن جاعدايدا ءوز رەزيدەنتسياسىنان ازاماتتارعا ءسوز سويلەيدى دەپ جوسپارلاپ وتىر.
