Túrkııanyń úkimetshil Anadolu agenttigi men oppozıııalyq Anka agenttigi Túrkııadaǵy prezıdent saılaýynyń ekinshi týryndaǵy daýys berýdiń alǵashqy nátıjelerin jarııalady, - dep habarlaıdy "Adyrna" tilshisi "Túrkııa daýysy" telegram arnasyna silteme jasap.
Osylaısha, Anadolu habarlaýynsha, daýys berý jáshikteriniń 71,45 paıyzynan alynǵan bıýlletenderdi sanaǵannan keıin Erdoǵan 54,37 paıyz, Qylychdaroǵly 45,63 paıyz jınap otyr.
Anka agenttiginiń málimetinshe, ekinshi týrda Qylychdaroǵly 700 myńǵa jýyq daýyspen (shamamen 2 paıyz) alda keledi.
Túrkııadaǵy prezıdenttik saılaýdyń ekinshi týryna saılaýshylardyń qatysýy 84-85 paıyz bolýy múmkin. Birinshi týrda saılaýshylardyń 88,92 paıyzy qatysqan.
Shetelde turatyn el azamattaryna daýys berý 24 mamyrda aıaqtaldy. 73 eldegi saılaýǵa barlyǵy 3,5 mıllıon saılaýshy qatysty.
Túrkııada prezıdent saılaýynyń ekinshi kezeńi jeksenbi kúni keshke aıaqtaldy. Qazirgi memleket basshysy Ystambuldan Ankaraǵa kelip, saılaýda jeńiske jetken jaǵdaıda óz rezıdenııasynan azamattarǵa sóz sóıleıdi dep josparlap otyr.
