ۋكرايندىق بلوگەر بەلگىلى ءبىر شتاتتاعى ورتاشا جۇمىس اپتاسىن سالىستىرا وتىرىپ، ءار كونتينەنتتەگى ەڭ ەڭبەكقور جانە ەڭ ەرىنشەك ەلدەر تۋرالى ۆيدەو ءتۇسىردى، - دەپ حابارلايدى "ادىرنا" پورتالى lada.kz سايتىنا سىلتەمە جاساپ.
ول اۆستراليا مەن وكەانيا سياقتى ەرىنشەك ەلدەردەن باستادى، وندا ادامدار اپتاسىنا 32 ساعات جانە جاڭا زەلانديادا 33 ساعات جۇمىس ىستەيتىنىن ايتتى.
اپتاسىنا ورتاشا 40 ساعات ەڭبەك ەتەتىن، ەۋروپاداعى ەڭ اۋىر جۇمىس ىستەيتىن ەلدەر ۋكراينا، پولشا جانە گرەتسيا بولىپ تابىلادى. ەڭ از ەڭبەك ەتەتىن ەلدەر تىزىمىندە 33 ساعاتتىق جۇمىس اپتاسى بار گەرمانيا مەن ۇلىبريتانيا دا بار، بىراق گەرمانيا ەۋروپاداعى ەڭبەك ونىمدىلىگى ەڭ جوعارى ەل، سوندىقتان ولار وتە از جۇمىس ىستەسە دە، جاقسى ناتيجە كورسەتەدى.
سولتۇستىك امەريكادا ەڭ ەڭبەكقور شتات – مەكسيكا – اپتاسىنا 45 ساعات. ەڭ ەرىنشەك ەل – 34 ساعاتتىق جۇمىس اپتاسى بار اقش.
كولۋمبيا مەن پەرۋ - وڭتۇستىك امەريكاداعى ەڭ اۋىر جۇمىس ىستەيتىن ەلدەر، وندا ادامدار اپتاسىنا ورتا ەسەپپەن 45 ساعات جۇمىس ىستەيدى.
ازيادا جۇمىس اپتاسى ورتاشا ەسەپپەن 36 ساعاتتى قۇرايتىن ەڭ ەرىنشەك ەل بولىپ قازاقستان اتالدى، ال بانگلادەش ەڭ ەڭبەكقور ەل – اپتاسىنا 49 ساعات.
دۇنيە جۇزىندەگى ەڭ كوپ جۇمىس ىستەيتىن كونتينەنت – افريكا، وندا ەڭ ۇزاق جۇمىس اپتاسى ەگيپەتتە 53 ساعات، ماۆريتانيادا 54 ساعاتتى قۇرايتىنى ايتىلدى.
"ادىرنا" ۇلتتىق پورتالى
