مەملەكەتتىك كەڭەسشى ەرلان قارين ءماجىلىس دەپۋتاتتارىنىڭ ۇلتتىق قوردان بالالارعا بولىنەتىن جاردەماقى ماسەلەسى جونىندەگى زاڭ جوباسىن قاراۋعا كىرىسكەنىن، مالىمدەدى "ادىرنا" پورتالى.
اتالعان زاڭ جوباسى كەلەسى جىلدىڭ 1 قاڭتارىنان باستاپ ىسكە اسادى. جاڭا زاڭ مەملەكەت باسشىسىنىڭ «ۇلتتىق قور – بالالارعا» اتتى باعدارلاماسى بويىنشا ازىرلەنۋدە.
"بۇل – پرەزيدەنت جۇزەگە اسىرىپ جاتقان اۋقىمدى رەفورمالار باعدارلاماسىنىڭ نەگىزگى باستامالارىنىڭ ءبىرى. اتالعان باستاما تۋرالى پرەزيدەنت بىلتىرعى جىلدىڭ 1 قىركۇيەك كۇنى جاريالاعان جولداۋىندا ايتقان بولاتىن" دەپ جازدى ەرلان قارين.
«ۇلتتىق قور – بالالارعا» جوباسىجاس قازاقستاندىقتاردىڭ كامەلەت جاسىنا تولعان كەزىندە ءوزىنىڭ باسپانا جاعدايىن جاقسارتۋىنا نەمەسە ءبىلىم الۋىنا مۇمكىندىك بەرەدى.
