جامبىل وبلىسىندا «اۋىل اماناتى» جوباسى اياسىندا 4 مىڭعا جۋىق ادام ءوز كاسىپتەرىن باستاعان

1732
Adyrna.kz Telegram

  «مەملەكەت باسشىسىنىڭ تاپسىرماسىمەن ازىرلەنگەن «حالىقتىڭ تابىسىن ارتتىرۋ» باعدارلاماسىن جەمىستى جۇزەگە اسىرۋ ماڭىزدى. 2019 جىلى وبلىستا باستالعان پيلوتتىق جوبا وزىنىڭ ەكونوميكالىق جانە الەۋمەتتىك تيىمدىلىگىن كورسەتىپ، پرەزيدەنت ونى ەل كولەمىندە ماسشتابتاندىرۋ جونىندە مىندەت جۇكتەگەنى بەلگىلى.جوبا باستالعالى 18,3 ملرد. تەڭگە ءبولىنىپ، 24 اۋىلداعى 4 مىڭعا جۋىق  ادام ءوز كاسىپتەرىن باستادى.» بۇل تۋرالى وڭىرلىك كوممۋنيكاتسيالار قىزمەتى الاڭىندا جامبىل وبلىسى اكىمىنىڭ ورىنباسارى قاناتبەك مادىبەك مالىمدەدى.

«ال، وسى جىلى قوسىمشا 24 ملرد. تەڭگە ءبولىندى.وندا 26 اۋىلداعى 5 مىڭعا جۋىق تۇرعىندى نەسيەلەندىرۋدى كوزدەپ وتىرمىز. ياعني، تۇرعىندار جەكە كاسىپكەر رەتىندە تىركەلىپ، جۇمىس ورىندارى اشىلادى. ناتيجەسىندە، وسى جوبامەن قامتىلعان اۋىل تۇرعىندارىنىڭ ورتاشا تابىسى 44 مىڭ تەڭگەدەن 113 مىڭعا ارتاتىن بولادى. ءبىز الداعى 2024-2025 جىلدارى رەسپۋبليكالىق بيۋدجەت ەسەبىنەن 45,5 ملرد. تەڭگەگە قالعان 103 اۋىلدىق وكرۋگتەگى 490 مىڭ تۇرعىندى قامتۋدى جوسپارلاپ وتىرمىز.اۋىل شارۋاشلىعى سالاسىن قولداۋعا اعىمداعى جىلى 27,4 ملرد. تەڭگە سۋبسيديا ءبولىنىپ وتىر «،- دەپ اتاپ ءوتتى قاناتبەك  قايشىبەكۇلى.

سونداي-اق، جىل باسىنان بەرى وڭىردە اۋىل شارۋاشىلىعى سالاسىندا 57,5 ملرد. تەڭگەنىڭ ءونىمى ءوندىرىلىپ، وتكەن جىلمەن سالىستىرعاندا 4,6 ملرد. تەڭگەگە ارتتى (2022 جىلى – 52,9 ملرد. تەڭگە).

«اۋىل شارۋاشىلىعى داقىلدارى 770,4 مىڭ گەكتارعا ورنالاستىرىلىپ، 14,4 مىڭ گەكتارعا ۇلعايدى (2022 جىلى – 756,2 مىڭ گا.).وڭىردە قانت ءوندىرىسىن دامىتۋعا اسا ءمان بەرىلىپ وتىر.مىسالى، قانت قىزىلشاسى القابىنىڭ كولەمىن وتكەن جىلمەن سالىستىرعاندا مىڭ گەكتارعا ۇلعايتىپ وتىرمىز. بۇل ءوز كەزەگىندە ازىق-تۇلىك قاۋىپسىزدىگىن قامتاماسىز ەتۋگە سەپتىگىن تيگىزەرى ءسوزسىز»،-دەدى وبلىس اكىمىنىڭ ورىنباسارى.

 "ادىرنا" ۇلتتىق پورتالى 

 

پىكىرلەر