«Memleket basshysynyń tapsyrmasymen ázirlengen «Halyqtyń tabysyn arttyrý» baǵdarlamasyn jemisti júzege asyrý mańyzdy. 2019 jyly oblysta bastalǵan pılottyq joba óziniń ekonomıkalyq jáne áleýmettik tıimdiligin kórsetip, Prezıdent ony el kóleminde masshtabtandyrý jóninde mindet júktegeni belgili.Joba bastalǵaly 18,3 mlrd. teńge bólinip, 24 aýyldaǵy 4 myńǵa jýyq adam óz kásipterin bastady.» Bul týraly Óńirlik kommýnıkaııalar qyzmeti alańynda Jambyl oblysy ákiminiń orynbasary Qanatbek Mádibek málimdedi.
«Al, osy jyly qosymsha 24 mlrd. teńge bólindi.Onda 26 aýyldaǵy 5 myńǵa jýyq turǵyndy nesıelendirýdi kózdep otyrmyz. Iaǵnı, turǵyndar jeke kásipker retinde tirkelip, jumys oryndary ashylady. Nátıjesinde, osy jobamen qamtylǵan aýyl turǵyndarynyń ortasha tabysy 44 myń teńgeden 113 myńǵa artatyn bolady. Biz aldaǵy 2024-2025 jyldary respýblıkalyq bıýdjet esebinen 45,5 mlrd. teńgege qalǵan 103 aýyldyq okrýgtegi 490 myń turǵyndy qamtýdy josparlap otyrmyz.Aýyl sharýashlyǵy salasyn qoldaýǵa aǵymdaǵy jyly 27,4 mlrd. teńge sýbsıdııa bólinip otyr «,- dep atap ótti Qanatbek Qaıshybekuly.
Sondaı-aq, jyl basynan beri óńirde aýyl sharýashylyǵy salasynda 57,5 mlrd. teńgeniń ónimi óndirilip, ótken jylmen salystyrǵanda 4,6 mlrd. teńgege artty (2022 jyly – 52,9 mlrd. teńge).
«Aýyl sharýashylyǵy daqyldary 770,4 myń gektarǵa ornalastyrylyp, 14,4 myń gektarǵa ulǵaıdy (2022 jyly – 756,2 myń ga.).Óńirde qant óndirisin damytýǵa asa mán berilip otyr.Mysaly, qant qyzylshasy alqabynyń kólemin ótken jylmen salystyrǵanda 5 myń gektarǵa ulǵaıtyp otyrmyz. Bul óz kezeginde azyq-túlik qaýipsizdigin qamtamasyz etýge septigin tıgizeri sózsiz»,-dedi oblys ákiminiń orynbasary.
"Adyrna" ulttyq portaly
