قىتاي قازاقتارىنىڭ ماسەلەسىن كوتەرىپ جۇرگەن سەرىكجان ءبىلاشتىڭ ۇستالۋىنا الماتىدا 8 اقپاندا وتكەن جيىنداردىڭ بىرىندە بەلسەندىنىڭ "ازاماتتاردى "جيھادقا" - ەتنيكالىق قىتايلارعا قارسى سوعىسقا شاقىرۋى" سەبەپ بولعان. بۇل تۋرالى استانا قالالىق پروكۋراتۋراسى حابارلادى.
پروكۋراتۋرا اقپاراتىندا ءبىلاشتىڭ ۇستىنەن تەرگەۋدى جەرگىلىكتى تۇرعىننىڭ ارىزى بويىنشا پوليتسيا دەپارتامەنتى بيىل 21 قاڭتاردا باستاعانى ايتىلعان.
ء"بىلاش سوزىندە ۇلتتىق الاۋىزدىقتى قوزدىرۋعا شاقىرۋدىڭ بولعانىن ساياسي ساراپتاما قورىتىندىسى، الەۋمەتتىك جەلىدەن الىنعان بەينەجازبالار، كۋاگەرلەر جاۋاپتارى جانە باسقا دا قۇجاتتار راستاعان" دەيدى پروكۋراتۋرا.
10 ناۋرىزدا الماتىداعى قوناق ۇيلەردىڭ بىرىندە پوليتسيا تىركەلمەگەن "اتاجۇرت ەرىكتىلەرى" ۇيىمىنىڭ جەتەكشىسى سەرىكجان ءبىلاشتى ۇستاپ، استاناعا الىپ كەتكەن. "ۇلتارالىق ارازدىقتى قوزدىردى" دەگەن كۇدىككە ىلىنگەن ءبىلاشتى 11 ناۋرىزدا ۋاقىتشا قاماۋ ورنىنان شىعاردى. سوت شەشىمىمەن ول ەكى اي مەرزىمگە ۇيقاماققا الىندى.
